(#شمسين 🔥♥️)

البارت 107

ريم باخر فترة صارت تغار من شمس .. هالگد ما اتعلقت بيها
وحبيتها .. ومن اخليها بحضني تجي توخرها وتگعد هي
رحت رضيتها وطلعت للدوام
خلصنا بين القضايا .. والسوالف المتخلص رجعت للبيت
فتت للغرفه لگيتها نايمة بستها وطلعت
صعدت فوك للغرفة لگيت شمس دازتلي رسالة وحاذفتها
جتني رجفة بگلبي وماعرفت شسوي
فتت للحمام وظليت ساعة حتى بس استوعب وافكر
طلعت من الحمام وفتحت لگيتها متصل
ونفس الرسالة باقية ..
____
يومين وانا افكر لازم يجي ويبررلي شصار
هو ديگول اني مظلوم .. زين ليش كل هالفتره ما اجه بررلي
جيت حتى اكتبله وظليت متردده
وماعرف شسوي
جيت ودزيتله نقطة وچان ساد
حذفتها وگلت لو يشوفها بس نقطة مراح يجاوبني خلي يظل يمه فضول1
ورا ساعتين تقريبا
دزلي
؟
وشفته ومجاوبته ماعرفت شجاوبه اصلًا
ظليت اكتب وامسح
وهو متصل ويشوفني اكتب وامسح
رجع دزلي
- تمام
- على شنو
- معندچ شي تحچينه .. فـ تصبحين على خير
- اممم تمام8
مجاوبني بس ما استسلمت وگلت شيسوي خلي يسوي مراح احچي شي لحد ما يسولفلي انهُ من صدگ هو مظلوم
مرت نص ساعة واجاني اشعار فتحت الموبايل راسا
لگيته من عنده وچانت اغنية
فتحتها وچانت لجوزيف عطية / تعب الشوق
_
سلم يـ حب ؏ اللي غاب عني وراح
قلو منسيت حبو نهار لا منسيت
قلو هالقلب بعدو صار كلو جراح
مهما قسي انا ماقدرت يوم قسيت
__
وصلت للبارت اللي يگول
____
وعدي الو مهما بقي عني بعيد
يبقى معي رفيق الروح مهما غاب
قلبي معو حتى ان ترك قلبي وحيد
ناطر انا رجوعه الي يمحي العذاب
___17

كتبتله
- شگد وعدنا بعض ووينهن؟
- بگلبي كلهن .. وعودچ گزاز ويحزن بكلبي حز
مجاوبته لان حقه كلشي يحچي .. بقيت اكتب وامسح وحسيته هو يربد يغير الموضوع رجع دزلي
-سمعت حتجين لخطوبة يوسف؟
- اممم يمكن اذا اهلي وافقوا
- بيها الخير
- متريد اجي؟
- متفرق لان مراح احضر
- ليش
- مااحب هالسوالف
- اهاا خوش
- ي
نرفزني بهالحرف وجيت اگله خلي كسره فد مره عود اني افهمها انو قصدك ايي رجعت دزيتله
- كاسرني بُعدك واعترف .. مااني بگد فراگنا
- اي حلوة
- ششنو هي
- الاغنية
- اهاا اي اي حلوة
اعرفه حالف يضوجني بس عادي مواح استسلم لحد ما يجي ويحچيلي كلشيي
- محتاجة شي؟ تعبان اريد انام
- معندك شي تحچي؟ مو لازم نحچي بالموضوع ؟
- لا
- امير احچيلي
-هه شحچيلچ السبب التافه اللي خلانا نتطلگ؟ بعدين سنتين شذكرچ هسه بيه؟
- ملاحظ انو انت اللي انطيتني حظر؟
- چنت كل يوم افتح الحظر عنچ وارجعه حتى يبرد گلبي
- هه وبرد؟
-يجي يوم ويبرد لتخافين ..
- خوش
-تعال بخطوبة يوسف وحسولفلچ كلشي
- مو ؏ اساس متجي
- حتخليني هيچ اتراجع عن كلامي!
- لا اوك خلص جايه
- تصبحين على خير
-تلاكي الخير
سديت الموبايل فرحانه بس بنفس الوقت ما متعوده على اسلوبه هيج وياي
يعني ميريد حتى يحچي وياي سد بسرعة
نمت وگعدت الصبح احس هيچ مرتاحة وشي وانشال من صدري
حفظت محادثة الليل حفظ على گد ما قريتها كل شوي وارجع اقراها
مر يومين وهو مرجع وحچه وياي
قبل خطوبة يوسف بيوم العصر ..
دزلي
- حتجين؟
فرفح گلبي لرسالته وجيت بالگوه كتبتله ودارجف
- بعدني محچيت لاهلي
- حيرفضون.. عوفي لتحچين اني اتصرف
- شحتسوي؟
- انتظري ساعة بس ..
- تمام انتظر6
شافها ومرد ورا ساعة ونص اندگ الباب وچنه گاعدين بالمطبخ اني وامي
رحت فتحته استغربت ريم واختها !
- ريم :هلااا بالگاطعهه گلنا احنه نجي ونشوفها
شمس: هلا ريم فوتو فوتو
ريم : خاله هنا ؟
شمس: ايي تعالن
فتنا ومقبلو يكعدون جوا بقينا بالمطبخ
ريم ولسانها لافت امي لوف خلتها بس مصدومه ومنبهره بيها امي تحب الملسونات واللي يحچن كلشي بدون خوف