(#شمسين 🔥♥️)

البارت 22

حسيتها فقدت التوازن ظليت ادحگ عليها واشوفها بيها شي
مااحس الا وهي واگعه وفقدت الوعي
شلتها من الگاع وخليتها قريبه ؏ السنگ وبديت اغسل وجهها وهي ولا يمها الموضوع نگعتها تنگع وماكو
شوي وحسيتها فتحت بس مبيها حيل وبالگوه دتفتح
شلتها وضميتها لصدري حيل مخليت شي يبين منها وصعدت لغرفتها فوك
قفلت الباب ومددت ؏ الچربايه
- انتِ زينه؟
- ااممم
- تنگعتي حيل تبدلين؟
- لا
رجعت غمضت عيونها حچيت وياها وعرفتها بوعيها بس تعبانه چانت
غطيتها وبدون لا احس خليت ايدي جوا راسها وقربتها من صدري حيل
وخرت شعرها المنگع الاملح عن وجهها وعدلت حواجبها
وظليت اتلمس بوجهها
حسيتها مو وياي وبعدها فاقده والشيطان يلعب بعقلي
- شمس
- هاا
- اسف
- اكرهك
- تمام
- يارب تموت
- ههههه عنيفه. ..تحسين بيه؟
- هاا
- اوخر عنج؟
- ااممم
- يلا نامي يلا
مجاوبتني
- عفية بالشطوره افصلي عن العالم خليني اني هم افصل
- ااشش
- سكتت
- اكرهك
- الله يسلمج
- وخر عني
- احنه وين؟
- ااممم
بديت العب بشعرها وشفتها ما عارضت15
گتلها
- ابوس انفاسك وانت نايم
مجاوبتني عرفتها فصلت من الرئيسي
تقربت عليها حييل
وبست راسها
وخدها
حرگت روح روحي

104
ظليت صافن بوجهها سبحان رب الجمال
اذا ابقى شوي وياها ابتلي بيها
وخرت عنها وظليت افتر بالغرفة شفت شال الها بالگاع شلته وظليت اشم بي براحتي
رحت على عطوراتي اشمهن ولا عطر بي هالريحة
اكيد عطرها ضامته
رحت اتمددت يمها وسحبتها لحضنيي
حست عليا وگالت بصوت تعبان وبالگوه تجر النفس
- وخر اكررهك
- ااشش تمام
- اكرهك
- يلا نامي
- مااا وخر
ضميتها لصدري حيل وگتلها
- وخرت يلا نامي
ههههه صدگت ونامت ..
گعدت ب٦ ونص اففف اول مره اصبح بوجه الخير
وهي ؏ نومتها ماكاعده
ظليت ابوس بيها لحد ما انترست اوكسجين وگمت منها خفت عليها
طلعت من الباب واني اضحك ومبتسم ورقية اجت بوجهي ..

ꕥꕥꕥꕥ         يـــــــــــــتـــــــــــــبــــــــع       ꕥꕥꕥꕥ