(#شمسين 🔥♥️)

البارت 38

    ⁃    كل عقلچ ؟؟ شو خليني اشوفها
    ⁃    لا خلص زينه هسه
    ⁃    وشكو تخلين من عدها متحتاجين كحل اصلا
    ⁃    ههههه زهفت
    ⁃    ديلا هسه اخذلج واحد يرهملج
ضحكت ورجع گالي
    ⁃    ههيييي اقصد كحل ترا اشگچ25

    ⁃    يااا واني شحچيت ايي كحل هو وين راح بالك
    ⁃    نچبي ديلا عبالي

    ⁃    ههههههه ماشيييي
    ⁃    يلا نروح لواحد لارا تظل تقطني منه
    ⁃    هههههه وما تغيره
    ⁃    لا تگلي اصلي وصراحة ارتاحله اني

    ⁃    ها ليش
    ⁃    شايب ومايدحگ
    ⁃    اصلا ملاحظة اي محل بي شايب اخذتني عليه
    ⁃    ما انلام بيچ ديلا
رحنا لكوزمتك واخذت كل الاساسيات اللي احتاجها وهو ماخذ راحته وي الرجال صح مثل ما گال چبير شوي وبقوا يسولفون عن الاحداث وهيچ مبين يعرفه
خلصت وطلعنا عاد
    ⁃    بقى شي ؟
    ⁃    ايي ايييي احتاج اروح لمحل اطفال
    ⁃    شعندج مستعجلة5

    ⁃    لاااا عابت، بس اريد لـ ريم فستان ابيض احس يلوگلها والله
    ⁃    والله مشايفها بالابيض اصلا
    ⁃    اعرف متقبلون تشترولها ابيض ادري ليش
    ⁃    هذا منو الميقبل

    ⁃    يعني امها قصدي تگول يتوسخ بسرعة
    ⁃    ههههههه شهالحجه
    ⁃    مادري حشتريلها وگول انو انت اخذته اماانه مبيه حيل عود اني اغسله
    ⁃    ييي ديلا امشي

شگد حبيت برائتها من فتنا لمحل الاطفال ولگينا فستان حلو حيل ابيض حسيتها تريد تاكله من كثر ما عجبها
واخذت فستان سمائي بلون شالها
وطلعنا
    ⁃    بقى شي؟
    ⁃    لا خلصت الحمدلله
    ⁃    متأكده؟
    ⁃    متأكدة
    ⁃    يلا نتعشا ونروح
    ⁃    لااا ناخذ عشا ويانا هسه هم خطيه مبيهم حيل يسوون🌚
    ⁃    تدافع عنهن لازم مايتحلحلن شويه
    ⁃    يلا يلا امااانه
    ⁃    ماشي لتلحين
خلصنا كلشي واخذنا العشا وراجعين للبيت
واني السيارة تارستها ترس اغراض مخله شي اذا ما اشترالي منه

زين شلون افاتحه بموضوع سامر ياربي والله يلگحني بالشارع اني والغراض

ضجت حيل وماعرفت شسوي انوب امير طردها والله هسه محضرتلي مفاجأة الله يستر منها
    ⁃    شبيچ ضايجه؟

    ⁃    عندي موضوع اريد احچي وياك
    ⁃    ايي گولي

    ⁃    من نرجع للبيت؟
    ⁃    ليش
    ⁃    هههه حتى تسوق زين
    ⁃    لهالدرجة دسم

    ⁃    ااامم
رجعت راسي للكشن ودحگت عليه وگتله بهدوء
    ⁃    انت تحدد قابليته ، بس اهم شي تفهم السالفة مني بالاول
    ⁃    ماشي ان شاء الله

    ⁃    ها ضلعي بشر
    ⁃    ماكو شي حاليا
    ⁃    مرجع دز؟
    ⁃    لا صارلي ساعة مگابل الموبايل ماكو شي
    ⁃    وين انت بالبيت
    ⁃    ايي
    ⁃    يلا احنه جايين روح لبيتنا نتعشا سوا ونروح نطلع
    ⁃    شمس: يااا امير مو تعبااان ؟
    ⁃    يوسف: ههههه ها الفصلية وياك
    ⁃    امير: فصلية بعينك مو گتلك
    ⁃    يوسف: شگتلي؟
    ⁃    شمس: ااححمم
    ⁃    امير: نچبي
    ⁃    يوسف: ها ايي تذكرت
    ⁃    يلا ضلعي اصل الگاك بالبيت
    ⁃    ان شاء الله
سد من عنده وگام يتأفأف
    ⁃    شبي يوسف مبين تعبان
اتندمت لان گلتها وگلت شدخلني
بس صدمني مارزلني

    ⁃    موضوع قديم صار وياه بالشغل ورجع انفتح يعني سوالف عسكرية
    ⁃    الله يريح بالكم
    ⁃    اميين امييين
حسيته يحچي بحسره شكد ضجت
تشغلين اغاني انتِ؟ موبايلي حيخلص شحن
    ⁃    يي نطيني

موبايلي مليان واصلا يمي شاحنة بالسيارة بس ردت اسمع ذوقها
شغلت اغنية / لرُبما / لراشد
وضحكت
    ⁃    ياا مو حلوه؟
    ⁃    افا اني هيچ حچيت؟
    ⁃    عجل
    ⁃    اني هم احب راشد
    ⁃   
    ⁃    ههههه الحمدلله
فرحت حيل على ردة فعله وگام يغني وي الاغنية
لرُبما لو هزك الشوق بتجين!
وتعاندين ظروف وقتك ياترى؟
لربما بعد الغياب بتسألين
وإلا زماني على بالك ما طرى؟
2
نصى الصوت وگالي بعد الغياب بتسألين؟
    ⁃    ليش من هسه دتفكر بي

    ⁃    احساسي مايخيب
    ⁃    بشنو

    ⁃    اعرف حيجي يوم ونفترگ
تمنيت يگلي اي شي غير عن الفراق من گالي هيچ وشلون متأكد وهو المشكلة حدسه مايخيب
انخنگت وعصرني گلبي حيل
    ⁃    ليش هالاحساس؟

    ⁃    يعني لو بيدي ما احسه؟
    ⁃    مادري

    ⁃    وليش تسألين اليسمعچ يگول تردين تبقين وياي
    ⁃    لا مو هي..
    ⁃    ايي اعرف خلص
    ⁃    شتعرف
    ⁃    متريدين تبقين وياي
    ⁃    امير واهلي؟ ترا اني هم بشر اشتاگلهم وهسه ميته بنار شوكي عليهم ، دتشوفني اضحك واسولف والاسن عبالك نسيتهم؟ وحق الله ميتة على ما اشوفهم
    ⁃    زين ولو خليتچ تشوفيهم؟

    ⁃    والله ما انسالك هالمعروف

حطيت ايدي ؏ وجهي وگمت ابچي
هو حاول يهدي بيه ولزم ايدي ومسح دموعي
    ⁃    هنيالهم
    ⁃    ليش
    ⁃    تشتاگيلهم..
    ⁃    منو گال الشوگ حلو