ဆယ့်သုံးနှစ်တာ မင်းနဲ့အတူ(ဘာသာပြန်)✔️✔️✔️

အခန်း(၄):စတုတ္ထနှစ်

[Unicode]

ပထမဆောင်းတွင်းကနေရေတွက်ကြည့်လျှင် ဒီအိမ်မှာနေရင်း ဟိုင်ရုန်၏ဘဝကို အဖော်ပြုနေပေးလာသည်မှာ လေးနှစ်ပင်ရှိသွားခဲ့ပြီ။

သူ၏ကြောင်ဘဝကအသက်ကို လူ့ဘဝအသက်နှင့်ပြောင်းလဲတွက်ကြည့်ရမည်ဆိုလျှင် သူ့အသက်သည် ဟိုင်ရုန်၏အသက်နှင့် တူတူလောက်ဖြစ်သည့် ၃၃/၃၄နှစ်‌ခန့်ပင်ရှိနေပြီ။

အချိန်ကသူမအတွက်ဆို ကုန်တာနှေးတယ်လို့ ထင်ရ၏။ ဟိုင်ရုန်ရဲ့နေ့စဉ်ဘဝက ပညာရေးအသိုင်းအဝိုင်းက လူတွေနဲ့ပဲကုန်ဆုံးနေပြီး ငယ်ရွယ်နုပျိုတဲ့လူတွေနဲ့ပဲ ဆက်ဆံနေရတာကြောင့် အသက်သုံးဆယ့်သုံးနှစ်ရှိပြီဆို‌သော်ငြား သူမက အမြဲတမ်းဆယ်ကျော်သက်အရွယ်လေးလိုပင်။ ပျော်နေတဲ့အခါ အားပါးတရပြုံးနေတတ်ပြီး စကတ်အရောင်စိုစိုလေးတွေဝတ်ကာ တခါတရံ animation ကြည့်နေတတ်၏။ အိပ်ရာကနိုးလာတဲ့အခါမှာလည်း တစ်အိမ်လုံးကိုပတ်သွားရင်း တုံတုံကိုချီထားရတာကြိုက်ကာ သီချင်းတွေညည်းနေတတ်ပြီး သူမရဲ့အကြိုက်ဆုံးကဗျာတွေကို သူ့ကိုရွတ်ပြတတ်သေးသည်။

အချိန်တိုင်းလိုလို ဤကဲ့သို့ဖြစ်နေလေတော့ တုံတုံ...မဟုတ်သေး...လူသားတစ်ယောက်ဖြစ်သည့် ချူးချန်းယွီက သူလူသားတစ်ယောက်ဖြစ်ခဲ့ဖူးပြီး ဘဝတစ်လျှောက်လုံးနေခဲ့တာတောင် ဒီစိတ်ကူးယဉ်ဆန်ဆန်နိုင်တဲ့အမှန်တရားက သူ့အတွက်တော့ကြီးမားတဲ့ဆွဲဆောင်မှုဖြစ်ကြောင်း အမှန်ပင်ခံစားမိလိမ့်မည်။

ကြောင်နက်လေးရဲ့ကိုယ်တွင်းမှာရှိနေတဲ့ ချူးချန်းယွီအတွက်တော့ ၎င်းကကြီးမားတဲ့ဆွဲဆောင်မှုတစ်ခုပင်။

"ဒီက စီနီယာမမ မင်္ဂလာပါ"

တုံတုံ မရေမရာနှင့် လှည့်ကြည့်လိုက်၏။ ဒီနေ့လည်း College of Science မှာ လူသစ်တွေကိုစိတ်ကြိုက်ဘာသာသင်ပြီးသည်နှင့် ချက်ချင်းဟိုင်ရုန်နောက်ကိုသူလိုက်ခဲ့သည်။ နတ်ဘုရားမဟိုင်ရုန်နှင့် အေးတိအေးစက်နဲ့ပညာရှိဆန်ဆန် မွေးဖွားလာသည့်ကြောင်လေးတို့က တုံးအကာစိတ်ဓာတ်ခိုင်မာသည့်ဖန်တစ်သိုက်ကို ခက်ခက်ခဲခဲဖြတ်ကျော်လာပြီးနောက်မှာတော့ ဆာလောင်နေကြသည့်လူနှင့်ကြောင်တို့က အိမ်ကိုပြန်ပြီး စားဖို့တစ်ခုခုပြင်ဆင်ရန် အဆင်သင့်ဖြစ်နေကြလေပြီ။