دار عندها بالعرض البطيء متعمد يفشلها،قرن فيها حواحبو:شكون نتي؟
بقا ليها شوية وطييح للأرض لي بدااه ليها التوثر كملو ليها هو،بصوت شبه باكي وعينيها محجرين فيهم الدموع:أوييليي آ سفياان أناا لبنى!
ضحك ووسع ابتاسامتو خلاها تتلف،كيفاش ذغيا ضحك مال هاذا،ملامحها ولاو كايوحيو للذهول،قالت مستغربة:مالك؟
طلع عندها وشد ليها وجهها بين يديه قبل جبهتها ونطق كايشوف فعينيها:قاادر نعرفكك بيين سبعطااش لجلدة(كايمسح ليها الدموع بلطف لي واقفين فعينيها بغاو ينزلو)شوو ماتبكييش غاتخسريي الماكيااج وترجعيي ديك لبنى الخاايبة!
كلشي تنفس الصعداء كانو على شوية حتى هوما يتيقو،ضحكاتهم حالتها وردة فعلها،غززات على شفايفها وشدات دموعها لاينزلو بزز،شافت فيه مخنزرة ضرباتوو لصدرو بقوتها حتى تأوه:اوه!
بحلقات فيه بتسميم:بااغيي تسكتت ليا القلب على شوية كنت غانطييح!!
رجع الغناء والطبالة بقاو شادين فيها،كايضحو وناشطين كايردوو مع الغناء...
كلس حداها وكلسات حتى هي،تفتحو دوك الصنادق المختالفين كانو بحال شي كنز الطريقة باش دخل الدفوع مختالفة،كايتحل صندوق بصندوق المختالفين الأحجام كل واحد آش فيه الأكسيسوارات البيجامات القفاطن الجليلبات الأحذية والحنة و مستحضرات التجميل والكريمات،كانت باينة كل قطعة غالية خصوصا أنهم حريصيين لاتهز ليها شي حاجة،غير تصور كلشي رجعو سدوهوم ومشاو بيهم لأحد الغرف حطوهوم فيها وسورتو عليهم..
فالخزانة سخن الجو بالشطيح،والبنات تحيرو لي عندها شي طرف كاتلويه ولي عندها شي شعر محيرة بيه،هي كالسة فواحد الكرسي قريبة للبرزة دايرة رجل على رجل ومبتاسمة مرة مرة ترش بيديها وتحرك راسها مع ايقاع الموسيقى،وتغامز مع لبنى لي شوية بشوية كاتوالم هاذ الجو وتزعم،كاتبان متبتة وشادة الأرض عكس كاع البنات لي نايضين محيريين بالشطيح الحال ومايشاور...
حتى هي ماكرهاتش تنوض تشاركهم لكن حشمانة من عمامها أو كاتشوف ماشي هذا الوقت المناسب للشطيح..
غير مبالية للعيون لي محطوطة عليها،هو لي كالس قرب رجال العائلة،مقابلين للجهة لي هي فيها،مرة مرة كايسرق منها النظر رمقها بعد وقت،كان كايقلب على الموطارد حتى لقاها عكس ماكان متوقع بارزة بالبيض،مرة أخرى مشات عكس داكشي لي فبالو،ترسمات ابتسامة جانبية على شفايفو بتشابك كل مواقفها وردود فعلها..
ماينكرش أنه البيض وتااهاا وخلاها متميزة الليلة بين كل الألوان كانت لابسة البيض وتاها و واتاا لون بشرتها وحتى الماكياج لي دارت زادها رونق وبرزو ملامحها فصالتها المثييرة زاادت باانت،كاتبان ليه بحال شي ملكة كالسة بتباتها،ماحسش على راسو وهو مطول فيها الشوفة وتعابيرو كايتغيرو مع كل حركة كادير متبعها لكل لحظة،حتى حس بنغيز فجنبو،شاف فباه لي جنبو كان هو لي ناغزو حرك راسو بمعنى شنو؟
أنت تقرأ
عرس الفاميلة
Romansaغمض عينيه وفتحهم بعد خصلات شعرها للأمام بلطف،وشد ليها المضمة من يديها وهي ضارباها الساكتة،دورها على كريشتها هاز بيها صدرها وهي مع كل حركة كايتوسعو عينيها وكاتشوف فيه من المراية حتى سد ليها المضمة لي مكانتش شي حاجة صعيبة انما ساهلة،تبسم ودوز يديه على...
