عرس الفاميلة

الفصل3

مع خروج العيالات تلاقاو مع الدراري عند الباب،بادلوهم نظرات التساؤل،واخة دراري عارفين الجواب سكتو وهزو كتافهم بمعنى ماعرفوش..

الجدة كاتعكز عكازها:آش كاين ياااك لبااس!!شكوون هااذ الزوااطة لي غوتاات؟؟

عزيزة كاتلطف الجو:غايكونو غير المشاش..

الجدة كاتخنزر:المشاش مالبسيينش الكحلل شفتهمم من صااالة!!!عنديي كنااوة هنا فداار!!

فاطمة:أحم مكاين مشكيل الحاجة رجعو نكلسو..

سناء حركات راسها بالايجاب:أييه مكاين مشكييل..كاتوقع عادي..

رجعو للصالة،والدراري طلعو كلسو مع الرجالة لفوق،والبنات رجعو فين كانو ومع ذخلو منال بدات تضرب ف فخاضها كاتنصل العباية...

البنات مافاهمينش والو..ولبنى فاهمة ومافاهماش..كلسات منال كاترجع أنفاسها وكاتردد غير:آش بغييتو آشش ليااا فيييه!!!غااانوليي نباان لييه كييف شي 9حيييبة!!تفووو على شووهة شمممتتت!!!

لبنى كلسات حداها بغات تستفسر وحتى لبنات تجمعو عليها،هزرات فيها وشتتاتهم من عليها،ذخلات تحت من المانكة فديك الناموسية تكات،بقات كاتنكر وتخاصم حتر نعسات...

كانت كيف شي سكراانة،البنات شكو واش ضربها شي جنن!!ولبنى روبلاتها جاتها بحالا كبرات الموضووع..أو حيث ممولفاش بالاحتكاك بالجنس الآخر؟جاهم عجب ردة فعلها مبالغ فيها...

مر الوقت حتى وذن المغرب عاد جابتها الفيقة لقات البنات مكاينينش حداها،شافت هنا وهنا فغرفة لبنى كان كلشي محلول وباليزاتها فاش جامعة حوايجها،ناضت خاسرة كاتفرك فعينيها،جمعات شعرها لي كان منتوف للفوق،وتمات غادة ناحية الباب كاتحك فصدرها،مع غاتفتح الباب تدفع عليها وذخلات ربيعة أم لبنى غير شافتها عقدات حواجبها بحدة،معكسة خليقة على شعرها،طلعاتها ونزلاتها وقالت باستفسار:آش كاديري هنا؟

هزات كتافها منال وحكات ضهر راسها:والو خلاوني البنات ناعسة هنا بوحدي ماعقلتش على راسي..

حركات ليها راسها مروفزة وذخلات معصبة كاتشوف فحوايج بنتها محلولين،فالحين خرجات منال مامسوقاش،مزالة بعمشها نزلاتها لطاج الثاني لي بيه دارهم...

تمشات نيشان ناحية بيتها تهز بعض أغراضها لي بغات،كانت دايرة تغذا وتمشي تهزهوم لكن دارها نعاس،حلات الباب بدون تفكير طالعة ليها قنديشة بعض زغيبات طالعين للفوق و وجهها خاسر حتى حوايجها تلبكو بالنعاس..

غير فتحات الباب بذون سابق انذار وخطات الخطوة الاولى للذاخل طاحت عينيها عليه مليوح فوق سريرها كايغرمز فتيليفونو..

وقفات فمكانها مصدومة مكوانسية كاتسائل واش فين ما مشات تلقاه كيف ظلها حتى فبيتها!!

بلعات ريقها يالله جات ترجع بلور هز فيها عينيه وتبسم واقف..حابسها:صبري!