فالتحت تكهرب الجو بالبكا والنواح ديال لبنى ومها،وحتى باها بدأ كايبان فيه القلق ودموعو على طرف عينيه لكن جلاهم باش مايكملش عليها،حتى من سفيان تأثر معاهم ومو فاطمة حتى سناء لقاو راسهم مشاركينهم وكايبكيو،حسو بربيعة وأنها تزوج واحد البنت لي عندها...
فالوقت لي استاغلات منال ومشات تقلب ماتلبس عليها،تفرق المجمع والرجال طلعو للصالة لفوقانية مخليين التحت خاوي لأنو بعد شوية غايتجمعو فيه البنات والنساء ينشطو لحنة العروس،طلعات لبنى لبيتها مرة أخرى تلبس عليها،في حين هوما خلاتهم كايوجدو ليها بلاصتها مع النقاشة،بنات الجيران لي عرضو عليهم يحضرو ليها بدااو كايجيو،تحطات طبلة كبيرة دائرية وسط الصالة،عليها تحطت الفاكية والحلوى بالأشكال،وصينية ديال أتاي،وطبيلة صغيرة مقارنة مع الأخرى،تحط فيها طبك ديال الحناء ورد وسطو زوج بيضات مكتوب فكل وحدة سمية "سفيان" "لبنى" وزوج قوالب ديول السكر مغلفين بتوب ذهبي،وزلافة ديال الحناء وابرة جديدة للنقاشة،وطبيك صغير ديال الورد،واحد البلاطو صغيور فضي به سينتات كثار خضرين بحال البابيون والوسط خميسة..معاهم وحدة بيضة ديال العروسة،بلا طبك آخر به السواك و باكيات ديول الحناء...
حاطين بيفان صغار فالجنب وطالقين موسيقى هادئة ناقصين ليها بين ما جات العروسة..
فالفوق كانت لبنى كاتلبس عليها قفيطين خضيور بعد ماغسلات رجيلاتها ويديها و وجهها مزياان،خلات شعرها مطلووق على طولتو،وكتافات غير بكحل بلدية برزات عويناتها الكبار،وسواك بعد اصرار مها لاحتها ف فمها وبسرعة حيداتها حيث كلاتها ف فمها لأنو حارة خلات ليها لوين زوين فشفايفها..
وبينما مها كاتوصي فيها ودور بيها من هنا لهنا كاتقرا عليها العوذتين،ذخلات أم سفيان فاطمة هازة مجيمير صغير لاحت فيه شي حاجة كانت فيديها كيف البخور وبسرعة مشات كاتبخر بيه ل لبنى وكاتمتم:تباارك الله مشااء الله الله يحجبكك الله يحجبكك من عينيين الحسااد والمغيااريين..
ضحكاات ليها لبنى،فورا ذخلات منال ب برزتها قفيطين شيبي لاسق جاها مع طايتها قتاال،مبين رجيلاتها وهي كاتحرك من سيقانها حتى للركبة،طالقة شعرها لي ضارب فنصها،عاملة مايكاب ترابي برز ملامحها وخذوذها المطيبزين طلعو،ضاحكة من الوذن للوذن،غير سمعو الباب تحل دارو كلهم،فاطمة غير شافتها ضحكات ليها عاجباها وحتى لبنى هي لي ديجا رسلات ليها تجي عندها،أما ربيعة مكانتش حاملاها كاتغزز على سنانها بالفقصة..
منال لاحظات ردة فعل ربيعة وهادشي لي مخليها كاتزييد ضحك باش تسممها،بقاو كايجاملو فيها وفجمالها وفحتى لبنى،حتى تحل الباب وذخلات أم أشرف حتى هي لابسة كاندورة زوينة بالبيج شافت فالبنات بزوج وقالت مبهورة فيهم:دابا شكون العروسة فيكم؟
منال بمزاح:أناا!!
لبنى:لاا أنااا!!
ضحكو عليهم،نطقات سناء ضاحكة:بزووجكم عرووساات الصلااة والسلاام على النبيي علييكم كاتفتنوو!!
أنت تقرأ
عرس الفاميلة
Romantizmغمض عينيه وفتحهم بعد خصلات شعرها للأمام بلطف،وشد ليها المضمة من يديها وهي ضارباها الساكتة،دورها على كريشتها هاز بيها صدرها وهي مع كل حركة كايتوسعو عينيها وكاتشوف فيه من المراية حتى سد ليها المضمة لي مكانتش شي حاجة صعيبة انما ساهلة،تبسم ودوز يديه على...
