ناضت بشوية كاتمعكز وخالة عينيها بشوية قلبات عينيها للنافذة كاطل على لور ديال الدار،رمشات ببطءوشافت فمها كاتفوه:آه طااح ظلام!
عزيزة:وانعستيي نيييت(مبسمة متبعة ليها العين)هضر معانا عمك!
كانت يالله وقفات خشات رجليها فكلاكيطها سمعات كلامها ودارت عندها مصدومة:هاا؟
عزيزة وقفات وتمشان ناحيتها ضاحكة،وقفات جنبها وخذات خصلة من شعر منال كاتعلعب بيها وكاتهضر باينة الفرحة كاتشع من عيونها:قالينا أشرف باغيك للزواج!ونهار السبت غايجيب عائلتو!
بلعات ريقها بصعوبة و وجها صفار،الحروف تلفو ليها والكلام مابغاش يخرج،بقات كاتبلع فريقها ولسانها ثقيل حتى نطقات بتلبك:آ؟أممم!أناا أنا!!
عزيزة تبطبات عليها:عرفتك ماباغة وراه هضرات معايا ماه سناء ملي كانو مزال هناا قالت ليا بغاتك لأشرف شافتك مرزنة وحاادكة(غمزاتها)واحمرتي ليا وجهي بعدا ماشي بحال ديك فليفلة ديال سلمى!
منال كلسات ركابيها فشلو عليها مابقاوش هازينها،اجابت بنبرة خافتة وتلفانة فحركاتها:وو واا أنا آما مابغاش وماباغاش نتزوج بداك أشرف!!ماكايعجبنيش!!
قرنات عزيزة حواجبها باستغراب:علاش؟
بقات كاتبحلق فماها حتى كاتبغي تهضر وترجع تبلع هضرتها،شنو تقول ليها؟كان كايدور بيا وكايزعجني؟وبعض المرات كايتجرأ ويقرب مني؟أو انه وصلات بيه خذا قبلة من عندها رغما عليها!أو بالمختصر تقول ليها السيد "زهواني"؟
تخربقات بشنو غاتفسر ليها؟وكيفاش ترفضو وهو حاليا غايكون كايبان ليهم الرجل الميثالي لي مافيه حتى عيب!خصوصا أنو من عائلة سفيان زوج لبنى!وعارفين عائلتو مزيان وذخلو ليهم لخاطرهم...
تبلوكات قدامها،نفضات راسها من أفكارها و وقفات غادية فاتجاه الحمام:يكون خير آمّا!
ذخلات للحمام دوشات عليها مدة وهي تحت الماء حتى بردات وخففات على راسها شوية،لبسات بينوارها ولاحت فوطة على شعرها وخرجات لغرفتها،غلقات الباب من خلفها وتمشات ناحية النافذة تغلقها،كيف بغات سدها خرج ليها قدامها وجهو،قفزات مخلوعة ورجعات بلور،الصوت باش تغوت بح ليها بقات كاتشوف وكاترعد منين خرج ليها هذا من الشرجم؟
لسقات مع الحيط اللور وهي كاتشوف فيه كايطلع مع الشرجم حتى ذخل،كاترمش فيه بخوف ونطقات بصوت قليل نتيجة على فزعتها:ننتاا!!نتاا آش كااديير هناا؟؟كييفااش طلعتيي عندييي هناا؟؟
أشرف طلع كايسوس فحوايجو،هز فيها عينيه لمحها لاسقة مع الحيط وصدرها طالع نازل باينة فيها تخلعات،ضحك لا اراديا ونطق:جيت نسرقك!
منال حاطة يديها على صدرها وكاتهضر بخفوت لايسمعهم شي واحد:وااش نتاا مسوووطييي؟؟؟مفليييبيي؟؟
أنت تقرأ
عرس الفاميلة
Romanceغمض عينيه وفتحهم بعد خصلات شعرها للأمام بلطف،وشد ليها المضمة من يديها وهي ضارباها الساكتة،دورها على كريشتها هاز بيها صدرها وهي مع كل حركة كايتوسعو عينيها وكاتشوف فيه من المراية حتى سد ليها المضمة لي مكانتش شي حاجة صعيبة انما ساهلة،تبسم ودوز يديه على...
