نزلو من طاكسي قدام مذخل السوق،أم و زوج بنات،كايتحاورو مناقشين بيناتهم،من بينهم أنثى كاتهضر وتعبر بيديها وضحك بديك ضحيكة ديالها القتالة كايترفعو خذوذها ويتسدو عويناتها الصغيورين،عليها محطوطة عين من بعيد ملي وقفات الطاكسي مع سمع صوت ضحكتها وهو ذاخل سيارتو كايشرب فقهوتو بنخوة،مخرج دراعو من الشرجم،مع هز راسو طاحت عينيه عليها وبقات محطوطة عليها بلا مايحس طول فيها الشوفة مع ابتسامة خفيفة ترسمات على شفايفو،بقا تابعها بعينيه وهوما محركين ذاخلين لقيصارية للتقليدي،بدون وعي منو حط القهوة بسرعة فالكرسي حداه ونزل،تمشا تابعهوم من لور بعيد بشي مترات،وهو عينيه غير عليها كانت جدابة وطايتها مثيرة طويولة نوعا ما وعريضة،بالرغم من أنها لابسة جينز وتيشورت من التحت وعليهم عباية مفتوحة الى أن طايتها بارزة ومثيرة،تابعهم بخطوات ثقال بلا مايعيق،حتى وقفو جنب محل للملابيس التقليدية الجلالب والقفاطن التكاشط الخ...
ذخل هو عند خراز مقابل ليهم حاط كل من صنادل التقليدية،بقا كايشوف هنا وهنا وعينيه معاها،كان كلشي واضح ليه من هاد الزاوية خصوصا أن القيصارية مضيقة وبين المحلات الاثنين مترين فقط،فكانت الرئية ليه واضحة وقدر كثر يشوفها مزيان ويحقق فوجهها كانت فتانة بوجه دائري وخذوذ منفوخة وعيون صغيورة،شعر طويل أسود ضارب عند الخصر عكس بشرتها البيضاء...
حك جنب فمو بابهامو بطريقة رجولية،حط صندالة رجالية من يديه وخرج بعد ماشافهم حتى هوما خرجو وبقا تابعهم بلا مايعيق،ماعرفش علاش جاتو كانتو يتبعها وهو جامي تبع شي بنت المرأة..ربما حيت تلاقات ليه فوقت ماعندو مايدار وراشقة ليه! ولا حيث ظهرات فلحظة كان مشهي الزين..
ذاخل محل آخر للملابيس التقليدية ذخلو كايدورو عينيهم على القفيطنات،حتى وقفات عليهم بنت شابة:خاصاكم شي حاجة؟
تبسمات الأم بلباقة:بغينا أبنتي الله يرضي عليك شي قفيطنات للحضور شي حاجة زوييينة وجدييدة!!
البنت حركات راسها:مرحباا..للكراء ولا الشراء؟
الأم:لا لا غير الكراء الله يرضي عليك
البنت:أييه مرحبا...تبعوني
تبعوها لجهة أخرى هي أيضا عامرة بالقفطان والتكاشط،تبهرو البنات بجمال هاذ الاثواب لي كايشوفو قدامهم وقوة الألوان غاشاهم فعينيهم...
البنت:شوفو الى عجباتكم شي حاجة!
بقات كاتجبد ليهم وتوريهم وهوما تلفانيين وحايرين،حتى نطقات وحدة من البنات هي نفسها الفاتنة بصوت أنثوي:بغيت شي قفيطيين همااويي ثقييل كايضرب بالششعاا من بعيييد هههه
نقزات ختها بمزاح:باش يغااشيي شييي همااوي ههههه
البنت ضحكات:ايييه هاني جاية...
مشات ورجعات فيديها قفطان غير من خلالهم كايبان قداش هو أنيق وراقي،عطاتو ليها:ذخلي جربي هاذا...
أنت تقرأ
عرس الفاميلة
Romanceغمض عينيه وفتحهم بعد خصلات شعرها للأمام بلطف،وشد ليها المضمة من يديها وهي ضارباها الساكتة،دورها على كريشتها هاز بيها صدرها وهي مع كل حركة كايتوسعو عينيها وكاتشوف فيه من المراية حتى سد ليها المضمة لي مكانتش شي حاجة صعيبة انما ساهلة،تبسم ودوز يديه على...
