မိုးလင်းလင်းခြင်း ကျွန်တော် ဖုန်းကို လှမ်းကြည့်လိုက်တော့ မနက် ၉နာရီခွဲနေပြီ။
အား. . ခေါင်းထဲမှာ ကိုက်လိုက်တာ၊ မနေ့ညက တော်တော် သောက်တာများသွားတယ်။ အိမ်ပြန်ရောက်တာကလည်း ည ၂ နာရီကျော်နေပြီလေ. .
(ဟိုက်. . ငါ ယုကို message မပို့ဖြစ်ဘူးပဲ။ သူ အခုချိန် ဂျုတီ ပြန်ထွက်နေလောက်ပြီ. .)
ယုရဲ့ ဖုန်းကို ကမန်းကတမ်း နှိပ်လိုက်သည်။
'ဟယ်လို ယုလား'
"ကိုလား အခုပဲ ဖယ်ရီပေါ်က ဆင်းလာတာ၊ ကို့ message ကိုမတွေ့လို့ ယုတောင် ဖုန်းဆက်တော့မလို့ပဲ"
'ဟုတ်တယ် မနေ့ညက ဖုန်းအားကုန်သွားလို့ ယုရေ. . အိမ်ပြန်ရောက်တော့ အားသွင်းပြီး အိပ်ပျော်သွားတာ ယုဆီကို စာပို့ဖို့ မေ့သွားတယ်'
"ကို မနေ့က ဘယ်အချိန် ပြန်ရောက်တာလဲ"
'အင်း. . . မနေ့က ကိုယ် ၁၁ နာရီလောက် ပြန်ရောက်တယ်. .'
"ဟယ် ကိုကလည်း နောက်ကျလိုက်တာ စောစောပြန်လာပါဆိုမှ"
(အမလေး. . ဒါတောင် ည ၂ နာရီမှ ပြန်ရောက်တာ မသိလို့ပေါ့)
'ကိုလည်း ပြန်လာချင်တာပေါ့ သူငယ်ချင်းတွေက မပြီးသေးလို့ ထပြန်လာလို့ မရဘူးဖြစ်နေတာ. . ၊ စိတ်မပူပါနဲ့ ယုရဲ့. . ကိုက မနေ့က ယုကို သတိရနေတာ'. . . ခြင်ထောင်သံဖြင့် ပြောလေသည်။
"ဟင်. .တကယ်လည်း မဟုတ်ဘဲနဲ့၊ . . သြော်. .ဒါနဲ့ ဒီနေ့ နေ့လည် ပလာဇာ သွားဖို့ လိုက်ပို့မှာလား"
ဟာ. . ဟုတ်သားပဲ၊ သူပလာဇာမှာ ဈေးသွားဝယ်မယ်လို့ ပြောထားတာ။
မရလောက်ဘူး။ ခေါင်းက အရမ်းကိုက်နေတာ၊ သူကလည်း ဈေးဝယ်ရင် ကြာအုံးမှာ သိတဲ့အတိုင်းပဲ။
'အဲဒါ ယုကို ပြောအုံးမယ်။
မမမြိုင်တို့က ဒီနေ့ အပြင်သွားစရာရှိလို့ ကားသုံးအုံးမယ် ပြောနေတယ်။ ကိုထွက်လာလို့ မရတော့ဘူး'
YOU ARE READING
စာမျက်နှာသစ် (Myanmar Unicode + Zaw Gyi)
Romanceကိုယ့်ချစ်သူက ကိုယ့်ကို လက်ထပ်လာမယ့်နေ့ကို စောင့်နေတဲ့သူမ . နှစ်တွေ လတွေသာ ကြာလာပေမယ့် အခုထက်ထိ ခြေချုပ်မမိချင်လို့ လက်မထပ်ချင်သေးတဲ့ ကောင်လေး. . . အချိန်တွေ ကြာလာလေ တဖြည်းဖြည်းဝေးလာလေ ဖြစ်လာရတဲ့ သူတို့ရဲ့ ကံကြမ္မာက ဘယ်လိုအဆုံးသတ်မှာလဲ . Own Creatio...
