مسائكم عافية
#نـحـن_فـي_هـاويـة_أبـي
#بـقـلم_بـتـول_حـسـيـن
#الـبـارت(2)
النشر راح يكون بين يوم ويوم يعني يوم نشر ويوم استراحة الساعة ب 9
--------------------------***---------------------------
في هذهِ الليلة الكئيبة
أتمنى كِتفَكَ يا أمي
انا متعباً حتى من نفسي 🖤
--------------------------***---------------------------
سناريا : بعد اسبوع من غياب ابوية رجعت سابين تطلع للشغل وقتها چانت أمتحانات اخر السنة اني مادخلت لهذا ما أمتحنت
ضليت اني اهتم بلبيت والخياطة وشفت سبو مرتاحة شوية من المسؤلية ،، رحيل تمتحن ارتاحينا هاي الفترة من المشاكل رغم الخوف بگلبنا من هدوء ابوية بس ارتاحينا من المشاكل
بس ماطول هواية ورجع چانت سابين بلشغل ورحيل بلمدرسة تمتحن بس اني بلبيت واني مايحچي وياي لان اضل ارادد ما اسگت دخل لغرفتة بدون اي كلمة
رجعت سابين وعرفت رجع حسيت روحها انسحبت منها وضلت بس جسد صارت حريصة علينا كلش توصيني اقفل الباب عليه اذا هو موجود بلبيت وهيه مموجودة
وصارت تاخذ رحيل بيدها للأمتحان وتنتظرها وترجعها ونص شغلها تركتة احسها صارت شبه مخبلة بسبب خوفها وتوترها طول اليوم
نراقب تصرفاتها اني ورحيل وندعي على ابوية ونبچي على الحال الوصلت أله سبو ،، صرنا نحچي وياها هواية ونطمنها وطلعنا اكثر من مره للامام الكاظم وللزوراء
بدت ترجع لطبيعتها من شافت ابوية يروح ويرجع ميحچي ويانا وتكله كله برا بس ينام بلبيت امنت استسلم وميگدر يسوي اي شي بعد
واحنا مثلها مأمنين
رحيل : بعد مخلصت امتحانات وطلعنا كم مرة ،، سبو رجعت تشتغل ونصبت أنترنت بلبيت واشترتلي لابتوب بلتقصيط كلش فرحت بهذا الشي وبدت تلم ملازم من البيوت التشتغل بيهن و من صديقات وسناريا هم جابتلي هواية ملازم من خوات صديقاتها
بديت اقرة للسادس واني ناوية احقق كل احلامنا اني وخواتي وما اخيب امل سبو واعوضها عن كل شي صار ويانا
سابين : بعد مصار نت بيتنا نزلت مواقع تواصل وسويت حسابات وصرت اقضي ولو شوية من وقتي اتصفح لان اني مافارغة دائماً اخيط من اخلص شغلي بلبيوت
وصار طلب الخياطة والتفصال انزلة من الگوگل او اليوتيوب والحمدلله رزقي وشغلي تضاعف لان فصالات حلوة وهواية يعجبهن شغلي
وبيوم بليل چنت گاعدة اخيط وخواتي بلغرفة واني بلصالة دخل ابوية ووگف يمي ضل فتره صافن عليه اني مارفعت راسي ولا باوعت عليه مركزة على الخياطة وممهتمة لوجودة
أنت تقرأ
نـحـن فـي هــاويــة ابــي
Romansaحاصلة على المركز الاول في 2022/10/6 أنهن ثلاث وردات لأم جميلة جداً ولكن شاءالقدر وتوفيت هذه الجميلة وتركت الوردات بين يد رجل قذر لم يحافظ عليهن بل تركهن في احضان الرجال حتى يحصل على المال وسقطن في الهاوية هل ستحصل معجزة وتمتد يد لهن ليخرجن من هاوية...
