نـحـن فـي هــاويــة ابــي

الـبـارت (18) والاخير اعادة نشر

#نـحـن_فـي_هـاويـة_أبـي

#بـقـلم_بـتـول_حـسـيـن

#الـبـارت(18) والاخير

لا تنسون التعليق والتصويت ⭐⭐

--------------------------***---------------------------

سناريا💔

لم اعتد على الخسارة في اي معركة قد خضتها
بعض الحروب كانت خسارتها بيدي، فقد تعلمت ليس كل شئ يستحق الحرب لأجله  الهزيمة بأرادتنا افضل من الهزيمة رغماً عنا فنقع خاسرين لا نكسب شيء
بعض المعارك الانسحاب منها انتصار لأنك قد ربحت ذاتك وهذا يكفي

--------------------------***---------------------------

صفوان : باجر او بعده وگعت بمصيبة صار شي وياي منو راح يوگفلي زوجتي ،،،، مو اقلل من احترامج لا انتي تضلين بنية مابيدج شي بس اهلي اخواني وعشيرتي عمامي خوالي بيدهم ويوگفولي ماگدر اخسرهم

وما اگدر اخسرج لان احبج

سناريا : اعذرني حبك ميفيدني بشي بعد كل هذا العذاب العشته وخسرت نفسي وخسرت اختي ماضل شي عندي غير كرامتي مستحيل اقبل اكون زوجة ثانية ومادامك من البداية ماگلت عندك بنية لا تنتظر مني شي بعد مستحيل ترجع ثقتي بيك

روح رجع زوجتك ولم عائلتك وانساني ،،، گمت من المرجوحة ردت اروح ادخل للبيت جرني من ايدي ،،،، صفوان عوفني بحالي

صفوان : لج ام شبر ونص ما اگدر بدونج والله لا تعوفيني خلي نزوج

سناريا : سحبت ايدي من ايدة ،،،، اني ما اناسبك روح الله يسعدك ،،،، دخلت للبيت اشهب وسابين بعدهم بلصالة گاعدين بسرعة صعدت لغرفتي وقفلت الباب على نفسي وصرت ابچي على حضي من البداية ما گال اني عندي بنيه گذب عليه الله يعلم شنو ضام عني بعد ويمكن ممنفصل عن زوجتة

اي اي اكيد مزوج ويريدني زوجة ثانية بلسر هيج يسوي اكيد يريدني زوجة ثانية بلسر ،،،، حرامات حبيت هيج واحد وتعلقت بي

ضلت سابين ادگ بلباب گمت فتحت الباب وحضنتها سولفتلها كل شي هذاك اليوم ضلينا سوه اني وسابين وثنينه نبچي على حضنا الزفت

بعدها بأسبوع ضلينا رايحين راجعين على المحكمة طولت كلش قضيتنا وابوية بعده بلسجن هو وزلمة بس مستحيل يطلع لان اكو تسجيلات صوت وتسجيلات كاميرة تثبت كل شي وتقارير اختي رحيل الله يرحمها

--------------------------***---------------------------

سابين : ثالث اسبوع ألنا بيت اشهب قررت ارجع لبيتنا وارتب كل شي حتى بعد الاربعين نروح لأربيل هيج راح يصير الموضوع اسهل أليه ولأشهب

جنه گاعدين بغرفتنا بعد متعشينا هو گاعد يتابع اخبار واني اتصفح بجهازي تركت الجهاز من ايدي وگتله اشهب باجر اريد ارجع للبيت اني وسناريا ألتفت أليه مصدوم من كلامي