نـحـن فـي هــاويــة ابــي

الـبـارت (5)

#نـحـن_فـي_هـاويـة_أبـي

#بـقـلم_بـتـول_حـسـيـن

#الـبـارت(5)

--------------------------***---------------------------

كنت كلما اقول أنني قوية
آرى قولهم أنني لا استطيع أن اكون قوية وأن القوة ليست بكلمة تقال
كان احدهم يعتبر القوة بقوة الجسد
والاخر يعتبر القوة بالصراع والقتال
نحن الاناث قوتنا لا تقاس بهذه المقايس
القوة ليست امراً مرتبطاً بأمتلاك العظلات
القوة هي أمتلاك الشجاعة لفعل اشياء حتى لو كانت مستحيلة
حواء خلقت من ضلع اعوج
يصفونها بأضعف مخلوق
وهنالك الكثير من المتمردين على هذه الانثى ... ووضع اسمها تحت عنوان الضعف
فقط لأنها انثى
لا علاقة لنا بامر الضعف فعنواننا الامثل هو القوة ... حواء قادرة، ومقتدرة
حواء ليست ضلع اعواج ولا هي ضعيفة
ولا هي خيار مؤقت تلجئ اليها متى ما رغبت
هي ليست جزء من المجتمع، بل هي المجتمع بأكمله

#نور

--------------------------***---------------------------

سابين : بعد مصعدت بلسيارة انتضرت السيارة تبتعد شوية وگتله يصف اليسارة حتى انزل هو ضل صافن عدتها اكثر من مرة سألني شنو صار ليش اريد انزل

سولفتله الصار وياي واني ما اشتغل هيج شي وگتله راح اشرد ما ارجع للبيت عفته صافن ونزلت من السيارة اخذت تكسي وگتله لأقرب مركز شرطة يوديني

جنت ارجف وخايفة كلش ماعرف اذا راح يتصل بأبوية او لا وماعرف شنو راح يصير ويا خواتي ضليت ادعي ربي يحميني ويحميهن

وصلنا للمركز وخوفي زاد اكثر وحتى جنسيه ماعندي نزلت من التكسي بعد محاسبته امشي وخطوة اتقدم وخطوة اتراجع 

اخر شي گلت ماعندي وقت للخوف ماعرف شنو راح يصير لخواتي وهنه وحدهن بلبيت دخلت للمركز رغم بشرتي التعبانه وجوه عيوني سواد

شفت نظراتهم تريد تاكلني وتشوفني شي سهل بنت حلوة وزغيرة وحدها بلمركز شنو تسوي هنا شفت هاي الاسئلة بنظراتهم

ماعرف شنو اسوي تشجعت وتقدمت اكثر اكو باب المركز كم واحد ويسولفون من تقربت منهم ضلو يسئلون اتوسلت بيهم حتى ادخل واحچي ويا الضابط بلمركز

مو انقهرو عليه ودخلوني لا بلعكس الكلام الحلو وامري شنو تحتاجين كله لخاطر انطيهم مجال ومن دخلت للضابط شفته ماكو فرق بينه وبين الحيوانات الاغتصبوني

وخصوصاً من عرف قصتي وليش اني موجودة هنا بلمركز حسيته طار من الفرح وصار يدگلي صدر واني واني ،، اتحملت نظراتهم وكلامهم بس حتى يخلصوني من هاي المصيبة

بس لو اعرف كل شي راح ينگلب عليه اني وخواتي واحنا الخسرانين بهاي الخطوة چان حركت روحي ولا طلعت من البيت بهذا اليوم بس هو قدر ومكتوب عليه اعيش هذا البلاء