#نـحـن_فـي_هـاويـة_أبـي
#بـقـلم_بـتـول_حـسـيـن
#الـبـارت(3)
مساء الخير ،، ليش هيج تفاعلكم كلش نازل التفاعل والتصويت كلش قليل وتفاعل الفيس فد مرة حتى التعليقات كلش قليلة ليش تروحون تعبي هيج خلي القصة تصعد
--------------------------***---------------------------
جرح ينزف .. جرح باني .. اعله
بسماره
- خجل .. والمايخاف اللوم.. يرضه
ابذلته وعاره
يالمبشر .. مته المكَصوص جنحه
ايطولن اكَصاره ؟
ومتى الوكت التراده ، ايبدل
اطواره
ومتى العايش غريب ، ايأمن
ابداره ... ؟
يالمبشر .. ممحله الروح ..
غيمك .. عزّت امطاره
اوجثيره المايهزها الضيم ..
جن اكَلوبها حجارة
ولو لذة عشيج الموت .. كَلبه ..
ايموت بسراره
لجن ، شانت على المذبوح .. دمه ..
ايضيع فجّاره
دَفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
للشاعر (عريان السيد خلف)
--------------------------***---------------------------
جاسم : ماكو داعي تتركن الدراسة لان بنيتي سبو راح تعيشنا بنعيم ومنحتاج اي شي بعد هيه راح تطلع تشتغل وانتن راح تضلن ورقتي الرابحة وبكل الاحوال تعلمتن الدرس اكيد وراح تگعدن عاقلات
سناريا : شنو قصدك ،، اذا صار شي لأختي اعتبر نفسك ميت اني لا سبو الحنينة ولا رحيل الخوافة ومريضة والله العظيم مايرف گلبي على اب مثلك ابد
بعدني ماخلصت كلامي انفتح باب غرفة ابوية وطلع من عدها اثنين ضخمين وشكلهم يلعب النفس طلعو يضحكون انتبهت على واحد بيهم وجها كله دم
گمت من مكاني اريد اروح للغرفة شفت رحيل دخلت للغرفة مانتبهت شوكت گامت و شلون وصلت الغرفة رجع ألها حيلها وعافيتها
رحيل : بس نفتحت الغرفة وشفت طلعو منها ثنين كل واحد يشبه الغول وسبو مموجودة گمت بسرعة ودخلت للغرفة شفت اختي وامي شفت شمعة الامل النورت حياتنا وطريقنا بعد وفاة امي بلگاع بدون اي شي يسترها
والدم على رجليها والگاع وخصل من شعرها بلگاع وشعرها مهووس شفتها چانت تجري دم واثار خراميش بجسمها واكثر شي برگبتها وصدرها گعدت بصفها ودخلت سناريا للغرفة
لأول مره صحتي ماخانتني وما ضعفت واني اشوف اختي بهذا المنظر صرت اعدل بشعرها وابعده عن وجها وامسح بشفتها ودموعي تجري على خدي
سناريا : ضلو يحمدون بذوق ابوية ويتشكرون منه وانطوه شي بأيدة ركزت شفتهن فلوس فتحت عيوني وبسرعة دخلت للغرفة ،، شفت سبو بأبشع منظر ومستحيل انساه بحياتي ابد ورحيل گاعدة بصفها ضليت اباوع عليها واني ممصدگة التشوفة عيوني وگلبي وعقلي رافضين يصدگون
أنت تقرأ
نـحـن فـي هــاويــة ابــي
Romanceحاصلة على المركز الاول في 2022/10/6 أنهن ثلاث وردات لأم جميلة جداً ولكن شاءالقدر وتوفيت هذه الجميلة وتركت الوردات بين يد رجل قذر لم يحافظ عليهن بل تركهن في احضان الرجال حتى يحصل على المال وسقطن في الهاوية هل ستحصل معجزة وتمتد يد لهن ليخرجن من هاوية...
