نـحـن فـي هــاويــة ابــي

الـبـارت(12)

مساء الخير

#نـحـن_فـي_هـاويـة_أبـي

#بـقـلم_بـتـول_حـسـيـن

#الـبـارت(12)

لا تنسون التصويت ومتابعة الحساب

--------------------------***---------------------------

أنا لا أقبل أن أكون في منطقة رمادية ليس لها
عنوان ولا تليق بي أدوار الهوامش، إمّا أكون
عنوانًا عريضًا يفرض نفسه بكلّ ثقة أو يترك
كلّ شيء ويرحل بسلام.

--------------------------***---------------------------

سابين : قبل سفرتنا لأربيل بشهر اشهب طلق زوجتة وانتهى كل شي بينهم لا شفتها ولا حچيت وياها ولا عرفت اي شي عنهم زواجنا اني واشهب مستمر وماكو اي تغيير بعلاقتنا

بس كل يوم يمر علينا واحد يتعلق بلثاني اكثر واكثر وبسفرتنا لأربيل عرفت نهاية هذا الزواج قريب لأن بدة يتحقق حلمنا اني وخواتي خطينا اول خطوة بتحقيق حلمنا

وان شاء الله نخلص من هاي الهاوية الوگعنا بيها بسبب اب عديم الانسانية وماعندة مسؤلية واحساس الحيوان افضل منه واحن منه على ضناه

بعد مسجلت البيت بأسمي ورجعت ويا اشهب جان كلش ضايج لان قبلنا البيت من عدنان وماقبلت هو يشتري بيت أليه ولخواتي

اول مدخلنا للبيت دخل الاكل للمطبخ تركة على ميز الطعام وباوعلي وتنهد وطلع من المطبخ عرفت من نظرته هو فهمني ليش ماقبلت البيت وعرف نهاية هاي العلاقة صارت قريبة

سحبت كرسي وگعدت بمجرد التفكير اتركة وابعد هيج مسافة عنه وبعد ما اشوفة نزلت دموعي شلون راح اگدر ابتعد عنه احبه كلش بس هم احب نفسي اني انجبرت على هذا الطريق ورغم هذا الشي ماقبلت بلحرام

مو ذنبي هذا الشي ذنب ابوية الله لا يوفقة الله ينتقم منه كله بسببه هيج صار بيه شلون راح اگدر اعيش بعد هذا الشي شلون راح اترك اشهب بس لازم انهي كل شي اذا گدرت اطلع من هاي القذارة ما اگدر اكون حرة وزوجة بلسر

ما اقبلها على نفسي كافي تحملت شي اكبر مني ومن طاقة تحملي ،،،، دخل اشهب للمطبخ عرفتة راح سبح وبدل ملابسة ،،،، مسحت دموعي وگمت اطلع الاكل

اشهب : ليش تبچين

سابين : ماكو شي بس تذكرت كل شي صار وياي خلال اربع اشهر ادمرت حياتنا اني وخواتي بس الحمدلله عن قريب راح نخلص من ابوية الله ينتقم منه

اشهب : بس هيج

سابين : گالها وهو ينطيني المواعين حتى ارتب الاكل بيهن ،،، اي بس هيج

اشهب : اممم ،،، ابوج بعد زلمة عنجن مو

سابين : مو دائماً مره يراقبون ومره لا