نـحـن فـي هــاويــة ابــي

الـبـارت (16)

#نـحـن_فـي_هـاويـة_أبـي

#بـقـلم_بـتـول_حـسـيـن

#الـبـارت(16)

لا تنسون التصويت ومتابعة الحساب

--------------------------***---------------------------

:چـا هَيچ الَيحـب يَتجازة بـِـ الشَوغات؟

--------------------------***---------------------------

سناريا : مستحيل يتقبل وحدة مثلي ليش اتأمل ،،،، تذكرت من گال احبج يعني واذا يحبني الحب يريد شجاعة وتضحية ووحدة مثلي كلها قذارة وحرام مستحيل تعيش مثل متحلم

هيج احلام حرام عليه اتحرمت عليه هاي الاحلام بسبب ابوية الله ياخذة دمرني

اندگت باب غرفتي مارديت ولا فتحت الباب ماريد اشوفة واضعف اكثر من هيج ماريد روحي تتوجع اكثر من هيج

--------------------------***---------------------------

سابين : اخر ايام امتحانات رحيل البيت هدوء وكئيب رحيل حايرة بدراستها ماتطلع من غرفتها سناريا مخلصتها نوم احسها كلش ذبلانه وعرفت اختي تحب صفوان من كلامها وتصرفاتها

اني افكر بأشهب وشلون راح ينتهي كل شي بينا عن قريب شلون راح اتحمل بعده عني شلون راح اگدر انساه
كل وحدة بينا عدها هم وحدة مبتعدة عن الثانية

بأخر امتحان لرحيل رجعت من وقت الصبح وشفتها فرحانة ومتوترة راحت للمدرسة واني سويت ريوگ أليه جنت گاعدة اتريگ وسمعت صوت عالي طلعت بسرعة حتى اشوف شصاير

شفت ابوية وصفوان ابوية واگع بلگاع وحلكة وخشمة يجرن دم وصفوان عيونه يجدحن نار مبين كلش عصبي ماعرف شنو صاير بس ابوية خاف منه وگام وهو يدردم راح للحمام حتى يغسل

طلع صفوان من البيت وطلعت سناريا ورا دخلت اني للصالة ورجعت گعدت اريد اتريگ گلبي برد من شفت ابوية بهذا المنظر دخلت سناريا للصالة

قفلت باب الصالة واجتي گعدت يمي تبچي حضنتها اريد افتهم شبيها متحچي بس تبچي بعدين هدئت وبدت تسولفلي عن علاقتها بصفوان وهو هم يحبها بس بلضبط مثل عدنان مستحيل يزوجها

ماكو كلمات تواسيها ضليت ابچي وياها على حضنا الزفت مامكتوبة ألنا الراحة ابد ،،، ماقبلت تاكل اي شي راحت للغرفة گالت اريد انام واني اعرف مراح تگدر تنام بعد هذا الشي الصار

هاي القوة الضاهرة على سناريا اتلاشت كلها وضهرت الطفلة سناريا الجانت معتمدة عليه بكل شي رجعت سناريا ضعيفة مثل مجانت قبل ميصير بينا هذا الشي النعيشه اليوم وصار واقع مجبورين نعيشه بس حتى نخلص من ابونا ومن ظلمة