#نـحـن_فـي_هـاويـة_أبـي
#بـقـلم_بـتـول_حـسـيـن
#الـبـارت(13)
بما انو اغلب البنات گالن ماعدنا فيس ومن انزل غش ميگدرن يعرفن شنو راح انزل بالانستا هذا حسابي تابعو 7bt_5y وتابعو الاستوري حتى اي غش ينزل تعرفو
و بنات قدمت الاحداث البارت الجاي اكمل القصة قبل موت رحيل ونستمر الى يوم موت رحيل واوضحلكم الشخصية الجديدة بلقصة
لا تنسون التصويت والتعليق
--------------------------***---------------------------
غياب الأخت، لن يشعر به سوى من مر به يوم من الأيام، فهو مشابه لغياب الروح، وكأنما بهتت ألوان الدنيا جميعًا
--------------------------***---------------------------
سناريا : ها رحيل راح تروحين لمدرستج
رحيل : اي اي اروح بس شوفي والله متوترة ايدي ترجف
سابين : تريگتي زين
رحيل : اي
سابين : لا تخافين وتتوترين انتي متأكدة من درجاتج وبعدين هاي نصف السنة ،،، اخذي علاجج قبل متروحين لا تتخربطين
سناريا : سبو فدوة خلي اروح وياها
سابين : لا نسيتي اتفاقنا ابوج يروح وياها ومادام الحيوانات البرا نايمين خلي اشهب يجي يشد الكاميرات ،،،، اخذت جهازي واتصلت على اشهب گال منتظر بشارع قريب على بيتكم ارتاحيت واطمنت نهيت المكالمة
يله رحيل روحي وحاولي تتأخري هواية فهمتي
رحيل : اي فهمت
سناريا : تعرفن اني توترت اكثر من رحيل هسه هههه ،،،، ماضل شي واخلي يخيس بلسجن صفوان گال تسجيل صوت وتصوير بعد ماكو اي شي يگدر يسوي اذا عدنا دليل ولا جنان تفيدة ولا معارف جنان يفيدو
سابين : ان شاء الله يله ماضل هواية بعد ميشد الكاميرات نترك الشغل حتى نستفزة وتصور الكاميرات كل شي ،،،، راحت رحيل للمدرسة وابوية وياها حتى تعرف درجات نصف السنة واني متأكدة منها درجاتها عاليات
فتحت الباب واتصلت على اشهب حتى يجي للبيت اجه بدون سيارته دخل للبيت وسدينا باب الاستقبال علينا وساعدنا اني وسابين حتى يشد الكاميرات
تعلم هو شلون يشدهن لان مانگدر ندخل غيرة للبيت حتى اذا اجه ابوية وشافة نگول اجه يشوفني ويحچي وياي و هوه يسگت ابوية بلفلوس
اشهب : هسه انتن تساعدني لو دوخني كل وحدة تريدها بمكان
سابين : انت اختار مكان بكيفك
اشهب : باعي هاي البردة الخرز باب المطبخ شيليها خليها باب المخزن وراح اخلي الكاميرة باب المخزن واشدلها هاي البلازمة الزغيرة هنا بلمخزن محد يدخل للمخزن مو
أنت تقرأ
نـحـن فـي هــاويــة ابــي
Romanceحاصلة على المركز الاول في 2022/10/6 أنهن ثلاث وردات لأم جميلة جداً ولكن شاءالقدر وتوفيت هذه الجميلة وتركت الوردات بين يد رجل قذر لم يحافظ عليهن بل تركهن في احضان الرجال حتى يحصل على المال وسقطن في الهاوية هل ستحصل معجزة وتمتد يد لهن ليخرجن من هاوية...
