نـحـن فـي هــاويــة ابــي

الـبـارت (10)

مساء الخير

#نـحـن_فـي_هـاويـة_أبـي

#بـقـلم_بـتـول_حـسـيـن

#الـبـارت(10)

لا تنسون التصويت ⭐⭐⭐
--------------------------***---------------------------

- الأخوات غيوم تجاورك طول العمر.🤍

--------------------------***---------------------------

سابين : راح للحمام واني شلت ملابسة فكرت اشوف جنسيتة اعرف عمرة ويوم ميلادة طلعت الجنسية صرت اقرة الاسم ومن گلبتها للجهة الثانية انصدمت مكتوب متزوج

گعدت على الجرباية واني ما مستوعبة الكلمة متزوج ضليت اكررها ودموعي تنزل على خدي گذب عليه متزوج گذب عليه متزوج شنو يعني اني اخذت رجال من عائلتة وبيته معقولة لا لا هو من البداية يروح لهذا المكان هو گذب عليه اني شنو ذنبي

وارجع ائنب نفسي وألومها ليش ماشفت جنسيته ليش متأكدت قبل منزوج واجاوب نفسي واگول هذا مو زواج دائم هذا زواج حتى يساعدني وبس

حسيت نفسي راح اتخبل اخذت ملابس ورحت للغرفة الثانية بدلت وجنسيته بعدها بأيدي رجعت للغرفة اول مفتحت الباب صار بوجهي صفن بوجهي عرف اكو شي

رفعت الجنسية بأيدي خليتها گبال عيونه واني اشهك وگتله مزوج وگذبت عليه ليش هيج سويت بيه ليش الله لا يوفقك انت اكبر مصيبة بحياتي ليش ساعدتني ليش وگفت وياي ليش خليتني اتعلق بيك وطلعت عبارة عن خيال بحياتي وگذبة لييييششششش جااااااوب لا ضل ساگت جاوب

سحبني من ايدي وقفل الباب گعدني على الجرباية

اشهب : ما گذبت عليج بس خلي افهمج اسگتي لا تبچين كافي كاااافي تسمعيني كااافي اسسسسس سمعي كلامي وفهميني

سابين : شنو ماگذبت عليه وانت مزوج ليش بعدك مستمر تگذب عليه

اشهب : اي مزوج بس زواجي شبه منتهي بس ورقة الطلاق ويخلص كل شي

سابين : شنو السبب وليش ضميت عني هذا الشي وماگتلي من البداية

اشهب : السبب ميصير عندي اطفال يرادلي علاج وعلاجي يطول وهيه ماقبلت تستمر وياي ضلينا مزوجين اربع سنوات ما اگذب عليج احبها ولحد الان ماناسي خذلانها وحاولت وياها هواية حتى تتراجع عن قرارها

بس هيه ماقبلت تنتظر اكمل علاجي بسرعة ملت مني ومن الانتظار وتركتني بعدها تركت العلاج وصرت اشرب واروح للمكان التشتغلين بي

سابين اني احبج والله احبج ماريد اخسرج مثل مخسرت زوجتي واخر موقف صار واذيتج وزعلتج وعدت نفسي ما ارجع واشرب بس لخاطر عيونج هذني لا تبچين مسحي دموعج

سابين : انت تعرف علاقتنا مستحيلة واني مستحيل اترك خواتي وما اگدر اصدگ كلامك هذا بعد مگذبت عليه ما اگدر اثق انت شخص كتوم ماتحچي اي شي عنك او عن عائلتك او اهلك لهذا ماعرف اي شي عنك وماگدر اثق بيك صار شهر احنه سوه وماعرف شي عنك وهسه اكتشفت انت مزوج