نـحـن فـي هــاويــة ابــي

الـبـارت (1)

#نـحـن_فـي_هـاويـة_أبـي

#بـقـلم_بـتـول_حـسـيـن

#الـبـارت(1)

نبدي البارت الاول بلصلاة على محمد وال محمد

--------------------------***---------------------------

- ما أردتهُ لنفسي ليس الذي حدث لي بالفعل، ولكني غيرتُ خططي ألف مرة لأفرح، وألف مرة لأحتمل، وألف مرة لأعيش.

--------------------------***---------------------------

في مكان ما من محافظة بغداد سنة 2016

سابين : گعدت على رنت المنبه الساعة بـ6 الصبح گمت من فراشي غسلت وجهي الجو كلش بارد شهر الواحد ،،دخلت للمطبخ اخذت الصوبه ترستها نفط وشغلتها ورجعتها للمطبخ حتى يدفئ

خليت الچاي على الطباخ ومن خدر نقلته للصوبه وسويت مخلمة ورحت للغرفة اگعد ابوية دگيت الباب ماكو صوت رجعت ادگ الباب اكثر من مره ماكو صوت اخر شي انفتح الباب وطلعت من غرفة امي الله يرحمها بنية زغيرة يمكن بعمري وكفختني ريحة قذرة كلش من الغرفة

والبنية بلبس مخزي ،، سحبت نفس وزفرته بقوة ،، وعفتها بدون ولا كلمة لان تعودت كل فترة يعيد هذا الشي ولا عنده احساس ولا يگول بس بنات بلبيت وميصير هيج اتصرف كدامهن

دخلت لغرفتنا اگعد خواتي حتى يروحن للمدرسة ،، رحيل سناريا گعدن بسرعة يله راح تتأخرن على المدرسة

سناريا : بس شوية

رحيل : اني گاعدة بس خفت اطلع وابوية يصيح عليه

سابين : سناريا راح اكسر راسج يوميه نفس القوانه تنعاد وراية شغل اني يمعودة ،، رحيل غسلي وجهج ورجعي لا توصلين لغرفة ابوية لان اكو خطار عندة مثل كل مره

حچيتها واني احس وصلت لنهاية صبري سناريا گامت من مكانها بسرعة من شافتني هيج ،، رجعت للمطبخ نقلت الصوبه والريوگ للغرفة وگعدنا نتريگ

سناريا : سبو خليني اترك الدراسة واساعدج حبابه والله ماحب المدرسة

سابين : خزرتها ،، بسبب كلامج هذا ابوية يريد يگعدج بلبيت لج انتي ليش غبيه اني احاول اخليجن تكملن حتى يصير براسجن حظ وانتي هيج تحچين

كملن حتى تگدرن اطلعن من هذا البيت اهم شي دراستجن اني ادبر كل شي لا تهتمن بس لا تخيبن املي وتروحن تعبي

رحيل : نزلن دموعي واني اسمع كلام سبو ،، الله يحفظج ويقويج وينطيج الصبر علينا وعلى ابوية متحملة كل المسؤلية والبيت وانتي تشتغلين وتصرفين علينا وعلى ابوية ،، وعد ما اهمل دراستي وان شاءالله اكمل وبعد ما اخليج تشتغلين ونطلع من ابوية حتى بعد ميأذيج او يأذينا

سابين : عمري لا تبچين ان شاءالله اشوفج بأعلى المراتب

سناريا : بچيتني من الصبح وسديتن نفسي عن الاكل اروح ابدل