نـحـن فـي هــاويــة ابــي

الـبـارت(11)

مساء الخير

#نـحـن_فـي_هـاويـة_أبـي

#بـقـلم_بـتـول_حـسـيـن

#الـبـارت(11)

لا تنسون التصويت⭐⭐ وتابعو حسابي
--------------------------***---------------------------

بعدها بروحي طفلة
تخاف لو لزموا تراچيها..

بعدها تريد واحد لو بچت
يسمع بواچيها..

--------------------------***---------------------------

سناريا : طلعنا من المطعم اني وابوية وانتظرنا عدنا اجه اخذنا اتفقو هو وابوية على السيارة وكملو شغلهم اني مانزلت من سيارة عدنان ابد ضل هو وابوية يكملون شغلهم وبعدها راح ابوية بسيارتة الجديدة للبيت

جان طاير من الفرح ومامصدگ رحنا اني وعدنا لبيته وصرت ألبس وادلع علي خبلته بسوالفي للصبح مانمنا ماقبل ارجع للبيت اتصل على جنان وگالها ماترجع خليها كم يوم يمي

وهذا الشي من صالحي گتله اريد نطلع نتريگ برا وتشتريلي جهاز حتى نضل نتواصل دائماً

عدنان : ادللي يعمري بس امري انتي وكل شي يجيج لا تعبين نفسج

سناريا : صرت اتماوع وادلل مثل مگال ورحنا للمطعم تريگنا وبعدها لمحل مبايلات اشتريت جهاز أليه وجهاز لسابين ورحيل دفع فلوسهن وهو الممنون وما مهتم للفلوس ابد

ضلينا طول اليوم من مكان لمكان كلش تونست بس صدمني من گال

عدنان : شنو رئيج اتفق ويا ابوج وجنان واخذج للشمال عشر ايام ونرجع منطول هم نتونس اني وياج وهم عندي شغل هناك اغلب شغلي هناك وماريد اضل وحدي

سناريا : حچيت بدلع واني هم ماريد اعوفك تعودت عليك موافقة نروح سوه هناك بس لا تگول لابوية للشمال گول بيتك هنا نضل بس زلم ابوية يراقبوني اكيد راح يعرفون بعدين

عدنان : خليها عليه ولا تفكرين رجعي هسه لعد حضري نفسج يومين وامرلج خلي اضبط وضعي واشوفلي بيت هناك حتى ناخذ راحتنا

سناريا : رجعني للبيت ومن راد ابوية مني فلوس شوفته الاجهزة گتله اشتريت هذني وماحچه لان فرحان بلسيارة اني انطاني فلوس عدنان من وصلني بس تعمدت مانطيته

دخلت للبيت شفت رحيل گاعدة بلصالة ضايجة بس من انطيتها جهازها طارت من الفرح سابين ما موجودة وينها لحد الان

رحيل : مادري والله بس يمكن راح تضل بيت اشهب

سناريا : وين جهازها الثاني خلي اتصل على اشهب اتأكد ،،، راحت رحيل جابتلي الجهاز وقفلت باب الصالة
اتصلت على اشهب مايرد كررت الاتصال اكثر من مره اخر شي رد وسألته عن سابين گال راح تضل هنا