نـحـن فـي هــاويــة ابــي

الـبـارت (14)

#نـحـن_فـي_هـاويـة_أبـي

#بـقـلم_بـتـول_حـسـيـن

#الـبـارت(14)

          الانستا 7bt_5y

لا تنسون التصويت ومتابعة الحساب اذا شفت تفاعل على هذا البارت باجر ان شاء الله هم اكتب بارت لا تروحون تعبي هيج صعدو القصة
--------------------------***---------------------------

من سوء حظي ماتت أختي قبل أن أموت فتركت بقلبي جرحاً لا يبرأ وحزناً لا يهدأ ووجعاً مقيماً داخلي رافضاً للرحيل، اللهم ارحم فقيدتي، وارحم حالي من دونها

--------------------------***---------------------------

سابين : فصلت المكالمة وصرت ابچي بصوت عالي رحت لكنتور رحيل اخذت ملابس ألها ورحت بدلتلها وضليت گاعدة يمها وسناريا ما گامت من مكانها ضلت بنفس مكانها صافنه وبس دموعها على خدها ،،، بعدها ربع ساعة واندگت الباب

بسرعة گمت ورحت فتحت الباب شفت اشهب اول مدخل اشهب للبيت طبگت سيارات الشرطة وترست الشارع دخل اشهب للصالة واني رحت بسرعة ورا

اشهب : وينها اختج وينها شنو صار احد يفهمني

سابين : تعال هنا اشهب حباب اخذها بسرعة للمستشفى

اشهب : اجتي سيارة اسعاف ويا الشرطة

سابين : دخل اشهب للغرفة ومن شافها هيج ويمها الملابس وملابسها مشككة مبدلتلها اني فرگ وجها بثنين اديه وشالها بسرعة طلع هو وصفوان دخل للغرفة صارو وجه بوجه ساعده واخذها ويا

سناريا : بعد مطلع ابوية من الغرفة وشفت اختي رحيل بهذا المنظر عرفت ابوية اغتصبها لرحيل گلبي مصدگ هذا المنظر وعقلي مايقبل يستوعب هذا الشي

معقولة احنه عدنا هيج اب وصلت بي لهاي الدرجة ليش شنو سوينه أله احنه شنو ذنبنا ليش هيج يريد يحطمنا ويدمرنا بكل طريقة

جنت متأكدة رحيل مراح ترجع لان اعرف اختي مستحيل تتحمل هيج شي بس جانت نهايتها بشعة كلش

ضليت گاعدة وحاضنه رجلية وبس عيوني تتحرك ودموعي تجري اسمع صوت سابين واشوفها تروح وترجع بس الصدمة جانت كلش قوية عليه

دخلو اخذو رحيل وسابين صارت تحچي وياي وتجرني من ايدي تريد اروح وياها

سابين : مو وگتج سناريا تسمعيني گومي خلي ناخذ رحيل للمستشفى لا تخافين هسه ترجع لوعيها وراح نسويلها عملية ما ننتظر بعد يله گومي

سناريا : گولي والله راح ترجع رحيل

سابين : والله ترجع رحيل ماتتركنا واحنه منتركها يله گومي

سناريا : لا رحيل ماتت

سابين : لج كومي ما تموت رحيل ماتموت تحملت كل هاي المصايب ماتموت رحيل قوية گومي لا تحچين هيج ،،،،، جنت كلش خايفة مرعوبة لدرجة كلش جبيرة من كلمة رحيل ماتت گلبي انتفض معترض على كلام سناريا لا مستحيل رحيل تموت لا