#نـحـن_فــي_هــاويــة_أبــي
#بقلم_بتول_حسين
#مشهد
--------------------------***--------------------
المشهد الاول
رجع اجه مثل كل يوم وگعد بنفس المكان وبأيدة الجداحة يلعب بيها مثل العادة وضل يراقبني بهدوء ... بوقتها چنت كلش ضايجة ضليت گاعدة بمكاني واباوع عليه بعصبيه
ماتحملت بروده اكثر گمت من مكاني حتى اطلع الضوجة من عيونه ،، بيومها لابسه فستان ازرگ لونه كلش قوي ويجذب طويل كلش بدون ردن وبي فتحة على رجلي اليمنة توصل فوگ الركبة وحذاء اسود كلش عالي
وصلت يمه ،، شنو عبالك عوبه ومامنتبها صار اربع اشهر تراقبني شنو تريد مني شعندك تراقبني ها تريد تخطفني لو تقتلني يله هيه ضلت عليك تصدگ اذا قتلتني بس اروح للجنه ادعيلك ومن هسه مبري الذمة بس استعجل
ضل يباوعلي بهدوء ويفتح الجداحة ويسدها بحركة سريعة وهو يباوع أليه من رجلي لراسي ويرجع يعيد النضره اخر شي گام من مكانه وما انكر بصراحة خفت منه لان شكلة يخوف واضخم مني بهواي
ثبت نظراته على عيوني واني سويت نفسي مخايفة وضليت اباوع بعيونه بتحدي
.... اقدملج نفسي الرائد .... واني ماخطف هيج اشكال ولا اوصخ ايدي بهيج اشكال
.... من گال رائد صفنت ومن عرفت شنو يقصد فتحت عيوني خفت منه تراجعت كم خطوة بس عثرت بلفستان ووگعت صرت ارجف انخلست من الخوف شسويت بنفسي شورطني وحچيت هيج وياه اخخخخخخ ربي لو خالقني خرسه مو افضل من هذا لساني مامحصله منه غير المصايب
شفته شال ايده ومشط شاربه الكثيف بأيده وگال اخ يابه گلبي يوجعني من هاي الناس ،، وحسب مراقبتي أله يعني هذا الشي دليل على عصبيته ،، انحنه وساعدني اگوم واعدل نفسي ،، اول مگمت فلتت بسرعة ابتعدت وطلعت من المكان كله واني ألتفت كل شويه من الخوف
--------------------------***--------------------
المشهد الثاني
اگولج ... انطيني الفستان الاحمر خلي ابدل اطلع قبل مايجي الجلب ويضل ينبح علينا لان لحد الان مرايحين
.... ليش وين الفستان مالتج الجديد
.... البارحة واحد حيوان من رحت ويا اتقيئ على الفستان وماريده بعد لعبت نفسي ،، اخذت نفس وزفرته بقوة احاول اضل بمزاج زين حتى ما اخرب هذا اليوم لازم اجيب الفلوس المطلوبه مني ومن ... حتى تضل تدرس ومايخليها الجلب تطلع ويانا
انطتني .... الفستان وبدلت وبديت امكيج ومثل كل يوم اوگف على المراية،،،،، هذا الوجه والشعر والملامح مو أليه هذا وجه امي هذا الجمال دمرني ودمر خواتي هذا الشعر دمرني بس ما اگدر ألومج الله يرحمج ويرحمنا من هذا الحقير الامنتينا يمة
--------------------------***--------------------
المشهد الثالث
يابه شنو تريد انطيك افتح الباب ابوس ايدك ورجلك افتح الباب لك افتحححححح الباب لج يمه راحت .... والله نرجع نطلع افتح الباب ابوس ايدك يابه عليك الله افتح الباب
.... هو وين يعرف الله ... ركضت للمطبخ وطلعت سجينه ورحت لغرفته اريد شي افتح الباب ماكو مينفتح ... روحي شوفي شي نفتح الباب لج يللللللله ماتسمعين صوتها تصرخ
.... رحت للمخزن ادور بس من الدموع ما اشوف شي صراخها ترس البيت راح تموت من الضرب اكيد سمعت صرخة قوية كلش احسها شگت گلبي وبعدها انقطع الصوت ،، طلعت بسرعة من المخزن شفت الباب مفتوحة وهو يعدل بملابسه وطلع من البيت
.... بعد مراحت ... تشوف شي نفتح الباب بيها ،، سمعت صرخة قوية وانقطع صوت ... بأيدي السجينه وواگفه بلباب واتوسل بي يفتح الباب ،، وفرحت من فتح الباب بس من ابتعد وهو يعدل بملابسه وترك الباب مفتوحة شفتها گدامي بلغرفة على الارض
عيوني ممصدگة وگعت على الارض وصرت ازحف ابتعد عن الغرفة ابتعد عن هذا المنظر البشع شمرت السجينة من ايدي واني ازحف ابتعدت عن باب الغرفة جسمي كله صار يرجف واحس رجليه ماتن
--------------------------***--------------------
التنزيل مو هسه بعد ختام رواية وجمعنا خذلانهم والرواية القصيرة فقيدتي في عمر ال 20 نزلوها بمكاتبكم حتى من ابدي تنزيل يوصلكم اشعار
لا تنسون التصويت والتعليق
اشوفكم بخير
أنت تقرأ
نـحـن فـي هــاويــة ابــي
Romanceحاصلة على المركز الاول في 2022/10/6 أنهن ثلاث وردات لأم جميلة جداً ولكن شاءالقدر وتوفيت هذه الجميلة وتركت الوردات بين يد رجل قذر لم يحافظ عليهن بل تركهن في احضان الرجال حتى يحصل على المال وسقطن في الهاوية هل ستحصل معجزة وتمتد يد لهن ليخرجن من هاوية...
