دخلنا مدرستكم ب الغلط وكانت احلى غلطه .

هوشه؟

ركبو السياره
خالد: شفيك متوتر نواف ؟
حسام : نواف ترا يوسف مو البنات ...
نواف : انت تدري اذا صار شي ليوسف وش بيصير لسهم
حسام : صح انا ركزت علاقتهم قويه
نواف : خلاص م ابي ازعاج

ومشو

عند البنات
ريماس : هففف شوق لا تسرعين
الغند : وقفي وقفي وصلنا

شوق نزلت بسرعه والبنات وراها

شوق: يمه بنات يوسف مو هنا
الغند : امشو ندوره
ريماس : شلون بندخل و م في احد بالمدرسه؟
شوق: وكأني اهتم

وراحت داخل المدرسه

شوق : يووووسسفف (بصوتها العالي)
ريماس : قلنا ندور عليه بس م تصارخين زي كذا
الغند : يوووسسف انت هنا
ريماس : يوسف خلاص م راح نكررها

جلسو نص ساعه ينادون و م في اي رد

شوق: وين راح ياخي ( بدات تبكي)
ريماس: شوق لا تبكين خلاص بنلاقيه يمكن يكون ب البقاله ولا نايم
الغند : شرايكم ندوره فوق
شوق: مستحيل م سمعنا
الغند: نجرب نشوف
شوق: فقدت الامل (بصوت مبحوح)
ريماس : تكفين لا تسوين دراما
شوق وقفت بسرعه وكلها عصبيه
شوق : وش الي م اسوي دراما الولد صغير وكل العيال حاطين عينهم عليه ونيتهم وصخه وهو امانه عندنا وكان دايماً يقولي لا تتركيني ويترجاني انتو شفتو وش عملو ذاك اليوم لو م لحقنا عليه كان صار شي م توقعناه يصير وتجين وتقولين دراما

وراحت تركض فوق تناديه

الغند: ريماس المفروض م تقولين لها كذا
ريماس : طيب وانا الصادقه مسويه دراما
الغند: وترا هي صادقه بعد ، دايماً يوسف يقول لنا كذا وانتي شفتي وش صار يوم خليناه لحاله
ريماس: تمام انا الغلطانه

وطلعت برا المدرسه

الغند : قسم بالله جالسه اتعامل مع اطفال الله يهديكم

وراحت تدور مع شوق

ريماس طلعت وشافت سيارة نواف جايه مسرعه

ريماس : يمه ذا لا يطيرني

وصارت تركض بسرعه للرصيف كانت تكه بس وكان راح يطيرها من سرعته

ريماس : مجنون انت !
نواف : وش صار لقيتوه ولا لا
ريماس: الله ياخذك كنت بتطيرني وتقول لقيتوه
حسام: اعذرينا كنا مستعجلين خوفنا يصير لكم شي
نواف : الحين وين سهم وهتان؟
ريماس : داخل يدورون يوسف
خالد: وانت وش مطلعك؟
ريماس : تهاوشت مع سهم
حسام: والسبب ؟
ريماس: وجع كله اسأله خلاص قلت لكم تهاوشت معه وانتهى النقاش
نواف : طيب امشو بسرعه ندوره

دخلوا كلهم

عند شوق

شوق : ي ربي يوسف وينك

دخلت فصله وشافت شنطته مرميه ع الارض بس هو مو موجود

شوق : شنطة يوسف !!

طلعت تركض بسرعه ومن قوة سرعتها كانت تنزل ع الدرج بسرعه وطاحت من فوق لين تحت وقامت تصارخ

سمعوها كلهم بس كان وقتها الغند جمبها مو بعيده عنها وصارت تمشي بسرعه

الغند : شوق!!!

شوق: يوجعععع ( وصراخها مالي المكان وفوقها م في احد والصدى م قصر )

الغند: وين توجعتي وريني
شوق: كل جسمي تكفين ( وهي تبكي)
الغند: طيب تعرفين تقومين
شوق : شلون اقوم م اعرف م اعرف يوجعع (تبكي ب حرقه)
الغند: ي ربيييي

عند نواف

نواف: صراخ سهم !!
خالد: بسرعه بسرعه ليكون صار لهم شي
ريماس: انا السبب
حسام: لا تحطين اللوم عليك
ريماس: الا انا السبب
حسام: قلت لك لا تحطين اللوم عليك

قاموا يركضون كلهم

ريماس : شووووق!!!
نواف : بسم الله عليك قومي قومي
شوق : ياخي م اعرف اقوم م تفهمون
حسام: شيلها من هنا وانا من هنا
شوق : م ابييي ، ابي اشوف يوسف بسرعه
نواف: خلاص حسام روحو دورو يوسف وانا بوديها المستشفى
شوق : تكفى نواف م ابي اروح ابي ادور يوسف انا ابي القاه م ابيه يحس اني مب مهتمه له
نواف: حبيبتي امشي ومعليك بيلقونه واذا شافوه اكيد بيكلمونا

طبعاً اكيد بتقولون وش ذي الميانه يقول لها حبيبتي ، هو م صدق ع الله يتكلم معها وهو يدري انها مب حاسه ب شي وكل همها ويوسف

خالد : انا وهتان بندور برا وحسام وريان داخل المدرسه وانت روح مع سهم المستشفى واي شي بيصير بنبلغك
نواف : تمام تمام يلا قومي
شوق: ياخي نواف
نواف : قومي بسرعه ولا افضحك
شوق : ي شييينك
نواف: م تمشين الا كذا شسوي لك

يتبع....

هممهم وش تتوقعون بيصير لشوق؟

طيب ويوسف وش صار عليه؟

هل بيلقونهم ؟
بنشوف البارت الجاي تعبت ونا افتح مخي بس م في شي 💔.