"عند سطام "
" دخل البيت وكانت ف وجهه امه "
ام سطام : وين رحت ؟
سطام بدون م يناظرها : الديوانيه
ام سطام : كذاب
سطام التفت عليها : وليه كذاب
ام سطام : انت اذا رحت الديوانيه زين منك تجي الفجر
سطام : ويعني ؟
ام سطام : وانت الحين جيت بدري ف مستحيل رحت الديوانيه
سطام ببرود : خلاص ارتاحي م رحت الديوانيه
ام سطام : اجل وين رحت
سطام عصب : خلاص ي امي يكفي اسأله ، كلنا عارفين انك تدرين وين رحت
ام سطام : انت م تعقل ي سطام !
سطام : وش اعقل ي امي ، بالله سؤال
ام سطام : خير
سطام : انتِ ليه تكرهينها لهدرجه
ام سطام : مسوي انك م تعرف وش سوت
سطام : ب النهايه ذي بنتك وهي اختي ، وهي كانت مُجرد مراهقه م تدري وش تسوي و م تعرف الصح والغلط
ام سطام : مهما كان هي سوت الغلط تتحمله
سطام : والله ي امي واحلفلك بالله ان اللي ب المقطع مو هي ، انا اعرف اختي ، حافظها زين مستحيل تسوي زي كذا
ام سطام بدت تحن ع بنتها : هذا عقاب لها وان شاءالله بنرجعها بعدين مو الحين
سطام : تحسبينها لعبه عندك ؟ ، صار لها سنتين ونص برا البيت م ندري عن حالها هي بخير ولا لا ، وحرفياً صار لك كل هالمده تعيدين نفس كلامك متى بتكونين صادقه وبترجعين بنتك اللي من لحمك ودمك
ام سطام : قلنا لك بنرجعها لا تحن فوق راسي
"وراحت ام سطام غرفتها وتركت سطام ب قهره "
سطام بحزن : ي عمري عليك ي اختي ، ي رب انك بخير وبصحه وعافيه
" عند نواف "
خالد : ي عيال
العيال : شتبي
خالد : خلونا نطلع بدال الكتمه ذي
حسام : اي والله حاس اني طفشان
نواف : نروح دانكن؟
خالد : مشينا بس ع حس مين
بدر : ع حسي
العيال : العب ي المليان ( يعني عنده فلوس ، هذي الكلمه فيها اكثر من معنى )
بدر : كيف بس
حسام : بسيارة مين نطلع
نواف : بسيارتي
بدر : لا يرجال خلونا نروح بسيارة خالد
خالد : ع كيفك انت
بدر : ترا م راح ادفع لك
خالد : ي الحيوان طلع كذا نظامك ، خلاص امشوا ب سيارتي
نواف : مشينا
" وطلعوا من الاستراحه وتوجهوا حق اقرب دانكن "
"فتح نواف جواله ودق ع كادي "
كادي بصوت هادي : هلا نواف
نواف مستغرب : نايمه؟
كادي : لا
نواف : اجل ليه صوتك زي كذا
كادي : م تكلمت من زمان
نواف : اها
كادي : شفيك متصل
نواف : وين نوره
كادي : فوق تكلم خويتها
نواف : وامي وفارس
كادي : جالسين عندي ، اخلص فيك شي
نواف : لا م فيني شي ، قولي لهم تبون من دانكن
كادي استانست : دانكن !
نواف ضحك : اي دانكن
كادي : انا جب لي قهوه سوده
نواف : ع اساس انك بتشربينها؟
كادي : انت جب لي و معليك مني
نواف : طيب الباقي ؟
كادي عند امها : امي وش تبين من دانكن
ام نواف : م ودي بشي
كادي : وش اللي م ودك بشي
"رجعت كادي تكلم ب الجوال "
كادي : اقول جب حق امي قهوه سوده
نواف : وفارس ؟
كادي تكلم فارس : فروسه شتبي من دانكن
فارس : قهوه سوده
كادي تكلم نواف : يبي قهوه سوده
نواف : كلكم قهوه سوده؟
كادي استوعبت : باقي نويره
نواف : بسرعه قولي لها
"راحت كادي تركض وفتحت الباب بقوه "
"وكانت نوره وقتها تسوي شعرها وتكلم صديقتها اللي كل اهلها يعرفونها "
نوره : وجع ي حيوانه ، افتحي الباب بشويش
كادي فتحت جوالها سبِكر : كلميه
نوره مستغربه : الو؟
نواف : شتبين من دانكن
نوره ارتاحت : اوه نوفي ، جب قهوه سوده
"فاتن سمعت صوت نواف وابتسمت "
فاتن : هذا نواف ؟
" وطبعاً نوره نست ان جوالها سبِكر وسمعها نواف وهي تقول هذا نواف "
نواف : مين ذي ؟
نوره رجعت تسوي شعرها : فاتن
"فاتن تنتظر وش رده "
نواف : اوه فاتن ، المهم خلاص م تبون شي ثاني
البنات : لا م نبي
نواف حب يمزح معهم : م سمعتكم
البنات ب صراخ : م نبي شي ثاني
نواف قام يضحك : يحليلكم ، يلا معسلامه
"وسكرت كادي الجوال "
كادي : فوفو وحشتيني
فاتن : اكثر ي عمُري
كادي ب حزن : ي الله متى اجي مدرستكم واصبّح بوجهك كل يوم
فاتن : لا تضايقين نفسك م بقى شي وتجين
كادي : بس مطولين ياخي
فاتن : معليك ي حياتي انتِ م بقى الا القليل
كادي : تمام ي قلبي الحين انا بروح تبين شي ؟
فاتن : سلامتك ي روحي
كادي : بايي
"وطلعت كادي من غرفة نوره "
فاتن : يحليلها اختك
نوره خلصت من شعرها : يحليلك انتِ
فاتن بضحكه : ليه
نوره : ذي شيطانه وش يحليلها
فاتن : ب العكس تجنن كوكي
نوره بعصبيه : خلاص عاد بسك تمدحينها ، ترا انا صديقتك مو هي
فاتن بضحكه : ي عمري نوني تغارين ؟
نوره هدت: م اغار بس خلاص
فاتن : خلاص من عيوني ، يلا انا اخليك بروح اشوف وليد
نوره : روحي انتِ مع وليدك ذا ، اللي مدري وش بتسوين اذا اختفى عن حياتك
فاتن : والله اني احبه
نوره : الله يعينك ع نفسك و ع قلبك
فاتن تبي تصرف الموضوع : زين زين ، تبين شي
نوره رفعت شعرها ومسكت الجوال : لا سلامتك
فاتن : يلا باي
نوره : باي
" قفلت نوره الجوال ونزلت الصاله "
ام نواف : حي الله بنتي اللي توها تنزل
نوره انسدحت وحطت راسها ع فخذ امها : امي احس ابي اصارحك بشي
التفت عليهم فارس : شعندك ي انسه نوره
نوره ناظرته : انت خلك بنفسك مالك شغل
فارس عدل جلسته : شدعوه عليك ، علميني وش بك
"نوره تجاهلته ورجعت تكلم امها "
نوره : اي يمه اقولك بصارحك بشي
ام نواف : انتِ م غير تصارحيني ، يلا عطيني مصارحتك
نوره : انا م اقدر اعيش بدونك
ام نواف ضحكت : ي امي انتِ ، حتى انا مقدر اعيش بدونكم
قامت نوره وحضنت امها : الله لا يرحمني منك
ام نواف وهي تبادل حضن بنتها : ولا منك
...
أنت تقرأ
دخلنا مدرستكم ب الغلط وكانت احلى غلطه .
Teen Fictionان شاءالله تعجبكم ، الشخصيات حقيقه لكن الروايه خياليه ب اللهجه السعوديه 🫱🏽🫲🏼.
