نهى : من ذولي ؟
يوسف : هذولي اللي معنا بالمدرسه
نهى : وش جابهم هنا
" البنات جلسوا يناظرون بعض "
نهى : شكل وراكم مصايب
الغند ضحكت ضحكة توتر : شدعوه ي خاله حنا وين والمصايب وين
نهى : اقول بروح البس عباتي واطلع اشوفهم
"ريماس مسكت نهى من تيشيرتها "
نهى : ي ادميه وخري
ريماس : لا تكفين
شوق : اصلاً ليه تطلعين
نهى : عشان اشوف شفيهم
يوسف : انا بطلع لهم
"وخروا البنات وطلع يوسف "
حسام : ان شفتك قربت من عند ذا البيت م تلوم إلا نفسك
راعي التوصيل : خلاص ولله م راح اجي بس فكوني
خالد : اجل تقول انك ماسك مشوار عشان طلبيتهم
راعي التوصيل : اي هذا شغلي
"نواف قرب منه "
نواف : شغلك تتحرش ف بنات الناس م تستحي ع وجهك انت؟
راعي التوصيل : ياخي فاهميني غلط انتوا
حسام يطقطق : بالله عليك ، معليش اسفين م درينا !
راعي التوصيل بثقه : شفتوا قلت لكم غلطانين
" خالد مسكه من تيشيرته "
خالد : تحسبنا نستهبل صح
" طلع يوسف "
يوسف : شنو فيه شنو صاير ؟
" كلهم ناظروا يوسف "
راعي التوصيل : يحليله الصغير ، منو هذا ؟
" خالد مسك راعي التوصيل بقوه "
خالد : تمون ؟
راعي التوصيل : ي رجال اتركني تيشيرت العمل بينشق بسببك
خالد : واذا انشق وش بتسوي
نواف : خلاص خالد اتركه اعرف انا وش بسوي معه
راعي التوصل خاف : وش بتسوي ؟؟
"نواف اتصل على اخوه فارس "
فارس ياكل : شتبي
نواف بجديه: بسالك عن واحد
فارس عدل جلسته : طيب؟
"نواف التفت على راعي التوصيل "
نواف : شسمك انت
راعي التوصيل : انا ؟
نواف : لا الباب اللي وراك
"راعي التوصيل ناظر ورا "
"خالد ضربه ع راسه بخفيف "
خالد : ظريف ماشاءالله عليك
راعي التوصيل : شدراني عن خويك
نواف : اخلص شسمك ووش ترجع له
راعي التوصيل : اسمي سليمان بكري
"نواف رجع كلم فارس "
نواف : عندك واحد اسمه سليمان بكري
فارس : اصبر كاني عرفته
نواف : كيف م تعرف اللي يشتغلون عندك ؟
فارس : هو لونه اسمر وقزم؟
"نواف ناظر ب سليمان "
نواف : اي
فارس : اي اعرفه ، ذا عليه حركات بس انه جدير ب شغله ليه شفيه؟
نواف : جدير بشغله وهو جاي ف بيوت الناس ولو بيده بيخش البيت ويتكي معهم
فارس : عطه الجوال بكلمه
نواف : ورع تعال خذ الجوال
سليمان : ماني ورع!
نواف : خذ الجوال وانت ساكت
" مسك سليمان الجوال "
سليمان : نعم ؟
فارس : نعامه ترفسك ي اهبل
سليمان : المدير فارس ؟؟؟
فارس : فشلتنا الله يفشلك ، ولله ان كم مره يجي ف بالي اطيرك بس طيبة قلبي تقول لا
سليمان : دقيقه ي مدير خلني افهمك
فارس : انت اصلاً ليه رايح توصل الطلب وش اللي حادك ، م عندنا حق توصيل ؟
أنت تقرأ
دخلنا مدرستكم ب الغلط وكانت احلى غلطه .
Teen Fictionان شاءالله تعجبكم ، الشخصيات حقيقه لكن الروايه خياليه ب اللهجه السعوديه 🫱🏽🫲🏼.
