" طلعوا البنات من البيت وركبوا السياره وراحوا المدرسه "
- عند العيال
" نواف اتصل على حسام "
" رد حسام على نواف "
حسام : هلا
نواف : انتوا بتجوني ولا اروح بسيارتي؟
حسام : بنجيك ، بس خالد السبك نزل ياخذ نظارته الشمسيه
نواف : انا بدخل النظاره الشمسيه بعينه
حسام ضحك : دخلها
نواف : بالله بسرعه
حسام : شفيك مستعجل مو من عوايدك
نواف : البنات راحوا قبلنا ، ولازم نسبقهم وانت عارف ليه
حسام استوعب : اي صح يلا يلا
" قفل حسام الخط واتصل على خالد "
" دق جوال خالد وهو ب سيارة حسام "
حسام : ي ليل ، مدري ليه حاط جواله هنا
" طلع خالد من البيت بسرعه وركب السياره "
حسام : كان نمت ولا جيت
خالد : يرجال قول زين اختي ما طلعت وصفقتني
حسام ضحك : خلها تصفقك عشان مره ثانيه ما تأخرنا عشان نظارة
خالد : خل عنك ولله اني اخاف منها
حسام : كلنا نخاف منها
خالد ضحك : تذكر يوم دخلت علينا وشافتنا ناكل اكلها؟
حسام ميت ضحك : شلون انسى ذا اليوم
خالد : الحمدلله يومها كنا بزران
حسام : غريبه وين زوجها؟
خالد : بالدوام
حسام : زين
" بعدها مشوا وراحوا عند نواف وخذوه "
" واكيد نواف ما راح يسكت بسبب تأخيرهم عليه "
- عند البنات
" وصلوا المدرسه "
" وقفت شوق السياره "
" ونزلوا البنات ويوسف معهم "
وهم يمشون تكلمت الغند : تصدقون تذكرت ايامنا قبل
شوق جتها ضيقه : اسكتي لا تذكريني
ريماس : الله لا يعيدها
بعدها ريماس التفتت ليوسف : لا عاد اشوفك تبعد عنا سمعت؟
يوسف ابتسم : تمام ونا اسف لاني سببت لكم مشاكل
الغند مسكت يد يوسف : لا تتأسف ، اللي نبيه منك تكون قريب منا
" شوق وريماس يناظرون الغند "
الغند شافتهم : شفيكم ؟
شوق : مدري من قال خلونا نخفف ميانه شوي
ريماس : شكلها نست ، جاها زهايمر
"الغند سحبت على كلامهم مسكت يد يوسف بقوه وراحت تركض داخل المدرسه "
ريماس تصارخ : ي هتان ي بزر
" وراحت تركض وراهم "
شوق تصارخ : الله يأخذكم لا تخلوني لحالي
" وركضت معهم "
- وصلوا العيال
"حسام لمح شوق "
حسام : هذي مو كانها شوق ؟؟
نواف : وينها وينها
خالد ضحك : قصدك اللي تركض؟
نواف ضحك : منجدك خالد !
خالد : مدري اسال حسام
حسام ضحك معهم : اي اللي تركض
خالد : شكل البنات سبقوها
" وقف حسام السياره ونزلوا ودخلوا المدرسه "
- عند البنات
شوق وانفاسها متقطعه من الركض : الله .. ياخذكم .. تعبتوني ..
وريماس كذلك : كله .. من .. غند .. الحيوانه
الغند ميته ضحك : تكفون اشكالكم يبي لها تصوير
يوسف : تبون اجيب لكم مويه؟
البنات بصوت واحد : لا
" العيال ناظروهم"
ريماس : امبيه كلهم يناظرونا
شوق : احس صوتنا كان اوفر
الغند : لا تحسين تأكدي
" جا شخص عند شوق ومد يده "
"شوق سلمت عليه ومستغربه "
الشخص هذا شافها مستغربه وقال : نسيتني؟
شوق تحاول تتذكر : لا ولله اعذرني من انت
عيسى : انا عيسى اللي معك بالفصل
شوق تذكرت وابتسمت : اهلين
"عيسى تغيرت ملامح وجهه وتضايق "
شوق لاحظته : وش فيك ؟
عيسى : ليه اختفيت زي كذا ؟
شوق : حصلت ظروف ولا قدرت اداوم
عيسى : تدري انتشر عنكم كلام بالمدرسه
شوق استغربت : زي وش ؟
عيسى : عن راشد
" سمعتهم ريماس "
ريماس : وش فيه الكلب هذا
حسام قرب من اذن ريماس : ما فيه شي
ريماس انقزت من الخرشه : وجع
نواف : هلا ولله ب سوسو
شوق مبتسمه : يهلا يهلا
خالد : كيفكم شباب
الغند : كويسين انتم كيفكم
خالد : الحمدلله
" عيسى مصدوم "
يوسف انتبه عليه : وش فيه وجهك ؟
عيسى قرب من يوسف وتكلم بصوت خفيف : انتم كيف مصادقين ذي الشله !!!
يوسف مستغرب : ليه وش فيهم ؟
عيسى ناظر يوسف : ذي اسوء شله من بعد شلة راشد !
يوسف : بالعكس ما شفت منهم إلا الخير
عيسى : من بعد ما شفتكم تمشون معهم شكلي بكنسل اني اصادقكم
يوسف ضحك : شدعوه ، ولله لو انهم مسوين جريمة قتل
عيسى قبل لا يمشي : يلا بس ، وصل سلامي لسهم ، وقول له هذا آخر كلام بيني وبينه والله يستر عليه
" ومشى عيسى "
ريماس : ان شفتك مقرب عند أذني مره ثانيه بالطمك على حلقك
حسام ضحك : قلنا لك اسفين
ريماس : بعد شنو
حسام بصوت خفيف : ليكون زعلتي ؟
ريماس : لا م زعلت ، بس تخيل لو جتني سكته قلبيه !
حسام انصرع : بسم الله عليك فال الله ولا فالك
نواف : ولله اني اشتقت لك
شوق مستحيه : وانا اكثر
نواف : يا حلوك وانتِ حمرا ، كانك طماطه
شوق هبدته على كتفه : انت الطماطه
نواف : تسمين هذي ضربه ؟
شوق : اجل قسمه؟
نواف ضحك : يا زينك وانتِ سامجه
شوق ضحكت : بس خلاص يا بزر
خالد : طيب لو خيروك تاكلين بقدونس مع عسل ولا تاكلين جبن مع سمك
الغند لايعه كبدها : لا هذا ولا هذا
خالد : طيب لو خيروك ...
الغند تكلمت بسرعه قبل لا يكمل : تسكت ولا اتركك؟
خالد : بسكت
" رن الجرس وكل واحد راح على صفه "
أنت تقرأ
دخلنا مدرستكم ب الغلط وكانت احلى غلطه .
Teen Fictionان شاءالله تعجبكم ، الشخصيات حقيقه لكن الروايه خياليه ب اللهجه السعوديه 🫱🏽🫲🏼.
