دخلنا مدرستكم ب الغلط وكانت احلى غلطه .

موافقه

"دخلت شوق البيت "

ريماس : ها وش صار
شوق : م صار شي

"جت الغند "

الغند : شوق صدمتيني
شوق : صدمتك ب وشو؟
الغند : م توقعتك تعصبين زي كذا
شوق(بضحكه) : عشان تسمعون الكلام مره ثانيه
ريماس : المهم ، غند بنفتح معك موضوع
الغند : وش موضوعه؟
شوق : دق علي نواف وقالي ضروري نروح المخيم ولا بيزعل منا
الغند : وليه يزعل ؟
ريماس : لان يبي يعتذر ع الي صار
الغند : اها ، خلاص موافقه
شوق : بهالسرعه !
ريماس : شفتي ادري انك م تبين تروحين ، وحطيتي العذر ب الغند

"شوق سحبت عليهم وراحت ترتب شنطتها"

الغند : وحنا وش بنسوي؟
ريماس : مدري

"شوق وهي ترقى الدرج "

شوق : اذا م جيتوا ورتبتوا الشنط م راح نروح

"جو يركضون بسرعه ودخلوا الغرفه قبل شوق "

"عند نواف يجهزون الاغراض "

حسام : نواف كلمتهم ولا ؟
نواف : اممم
حسام : وش اممم رد زي الناس
نواف : اي اي اي كلمتهم
حسام : طيب شفيك منفس؟
نواف : م فيني شي
حسام : نواف تراني اعرفك زين اخلص قول لي شفيك
نواف : ناغزني قلبي ، بيصير شي اليوم
حسام : زي ايش
نواف : مدري فجأه حسيت
حسام : لا معليك م راح يصير شي
نواف : ان شاءالله

"اتصلت شوق ع نواف "

شوق (بصراخ) : الوووو
نواف (بصراخ ) : هلاااا
شوق : انت ليه تصارخ الحين ؟
نواف : انتي صارختي وقلت اصارخ معك
شوق (بضحكه): الله يشفيك
نواف : ي زين ضحكتك
شوق (تتنهد) : بدينا ؟
نواف : طيب شسوي احبك ياخي
شوق : اقول بس
نواف : قولي ي حياتي

"حسام من بعيد "

حسام : مو وقت الغزل الحين قول لها بتجون ولا
نواف : سد حلقك انت
شوق : ي ربي فوضى عندك
نواف : اسف ، خلاص قررتي؟
شوق : وشو؟
نواف : شوق منجدك نسيتي !
شوق : نسيت وشوو
نواف : بنروح اليوم المخيم
شوق : اوووه اي تذكرت
نواف : مو طبيعيه تراك
شوق : ياخي طبيعي الواحد ينسى شفيك انت
نواف : طيب طيب ، الحين موافقين ولا
شوق : لا
نواف : ايش!!!
شوق : شفيك شفيك هدي ، امزح معك
نواف : حيوانه
شوق : عيب ي بابا
نواف : يعني بتروحون
شوق : ايوه
نواف : الحمدالله ، اجي اخذكم ؟؟
شوق : لا شكراً بنروح ب سيارتنا
نواف : لا اخاف عليك من الطريق
شوق : شدعوه تخاف
نواف : اصلاً كذا ولا كذا بجي اخذكم
شوق : ليه
نواف : خذنا سيارة ابو خالد
شوق : ماله داعي تاخذون سياره كبيره ، حنا عندنا سيارتنا 
نواف : م فيه ، يلا بسرعه تجهزوا لان حنا ب الطريق
شوق : بتجون !!!
نواف : شرايك يعني اكيد بنجي ، صاحيه انتي اخليك تسوقين للبر
شوق : ي ليل صدق ، نشبه نشبه اعوذ بالله
نواف : اقول هيا ارسلي موقعك
شوق : طيب

"ارسلت الموقع وقفلت الخط "