دخلنا مدرستكم ب الغلط وكانت احلى غلطه .

تصالحنا

في المستشفى

دخل نواف ع شوق

نواف : سلام عليكم
شوق : شتبي
نواف : وش الي شتبي  ترا انا الي جايبك هنا
شوق : انا قلت لك جيبني هنا!!
نواف : الحين ابي اعرف انتي ليه معصبه ؟
شوق : وتسأل ؟ ، كل شوي تنرفزني وتعاملني كاني بنت وانك قافط الوضع ، و م خليتني ادور يوسف ، حتى م ادري حصلوه ولا لا ودايماً تهددني وتبيني م اعصب؟

نواف : هدي هدي
شوق والدموع مليانه ف عيونها : نواف علمني شلون تبيني اهدا ها؟؟
نواف : لهدرجه تحبينه
شوق : انت مركز معي ؟ ، يوسف اعتبره اخوي الصغير اي شي يصير له ع مسؤوليتي تفهم ؟ ، و اي انا احبه واموت فيه و م ارضى عليه ، وانت اصلاً وش دخلك فيني احبه او م احبه !
نواف : بس سألت شفيك انهديتي علي زي كذا
شوق : تحمل سؤالك
نواف : تمام اسف

بعدها صار صمت قاتل ، وقتله صياح شوق العالي

شوق : ابببي يووووسف (وهي تبكي )
نواف : فقعتي قلبي
شوق: جيب لي يوسف ي نواف تكفى
نواف : بجيبه معليك بس انتي اهدي
شوق: ي ربي ي نواف
نواف : اسمعيني انا بروح اتصل عليهم بس اسكتي لا تبكين كافي الي فيك
شوق : طيب

طلع نواف برا الغرفه...

الجهه الثانيه"

ركضت الغند عند السياره وركبت وشغلتها وركبت جنبها ريماس و وراهم حسام وخالد ويوسف

الغند : تراني م ادل الطريق
حسام : وش تقولين !
الغند : اعرف اسوق بس م اعرف وين المستشفى
حسام : انزلي انزلي وحنا محتزمين فيك انتي وشكلك

وتبادلوا الاماكن وصار حسام يسوق والغند رجعت ورا

حسام : ربطتي حزامك؟
ريماس : وهذا الي هامك ( بصراخ)
حسام : لا تصارخين ي زق
ريماس : مدري عنك امش بس الولد بيموت وانت تقول حزامي
حسام : يبوي مخالفه بتجيني ، انتي بتدفعينها؟
ريماس : خلاص ربطته تحرك بسرعه لا اقوم اذبحك الحين
حسام : اي زين

وراحوا المستشفى

المهم بعدها دخلوا يوسف عند الطوارئ وهم شافوا شغلهم

بعد نص ساعه"

اتصل جوال خالد

نواف : الو
خالد : هلا نواف
نواف : ها لقيتوه ولا ؟
خالد : اي لقيناه بس مطقوق
نواف : كيف مطقوق ؟؟
خالد : يعني جالدينه
نواف : ومن جالده؟
خالد : راشد
نواف : نعم!!!!
خالد : مثل م سمعت
نواف : طيب وينكم الحين ؟
خالد : بالمستشفى
نواف : اي وحده؟
خالد : قوى الامن
نواف : اي غرفه ؟
خالد : 311
نواف : طيب يلا جايكم الحين
خالد : ليه انت بنفس المستشفى؟
نواف : يعني بالله بترك سهم هنا واجيك من مستشفى ثانيه ؟ ، انت بس قول حق خوياتها يجونها م ابيها لحالها
خالد : تمام يلا ، بس اسمع
نواف : وش
خالد : اي غرفه هي ؟
نواف : 460
خالد : يلا يلا بخليهم يجونك
نواف : تمام