دخلنا مدرستكم ب الغلط وكانت احلى غلطه .

42

- عند البنات

" جا الظهر والبيت كله نايم "

" صحت نهى عشان تنظف البيت و تسوي الغدا مره وحده "

" قامت الغند من صوت ازعاج المكنسه "

" دخلت الحمام ( الله يكرمكم ) وتروشت وخلصت وطلعت ولبست وراحت عند نهى "

" نهى وهي تكنس شافت الغند تنزل من الدرج "

نهى : صباح الخير
الغند : مساء النور
نهى : تونا م دخلنا 12
الغند : ليه كم الساعه
نهى : 11
الغند : م بقى شي
نهى : يلا زين صحيتي عشان تنظفين معي
الغند : وش تبيني انظف ؟

" وصارت نهى تعلمها وش تسوي "

" اذن العصر والبنات صحوا ويوسف معهم "

" نزلوا كلهم بعد ماخلص كل واحد شغله"

الغند : يهلا يهلا
ريماس شوي فيها نوم : هلابك
الغند : انتبهي بس لا يغمى عليك من كثر النوم
ريماس الاخلاق صفر : تعرفين تسدين حلقك
شوق همها بطنها : وش الغدا؟
يوسف راح ينسدح على الكنب : فيني نوم ( بصوت عالي )
الغند بنفس نبرة صوته : روح نام
يوسف تكلم بنبره هاديه وضخمه بنفس الوقت : مابي انام الحين ، عشان انام الليل

" البنات كلهم ناظروه مصدومين من الصوت اللي طلع من يوسف متعودين على صوته الناعم "

ريماس مستغربه : ذا الصوت منك؟
يوسف : لا من الجيران

" نهى تسمعهم وهي بالمطبخ وجلست تضحك لأنها عارفه ليه تغير صوت يوسف "

شوق ناظرت يوسف بتمعن : يوسف انت بلغت؟

" البنات كلهم انصرعوا من سؤال شوق "

"الغند تحاول تهبد أي شي عشان تصرف الموضوع "

الغند : ي نهى خلص الأكل ولا
نهى : أي خلص يلا تعالوا شيلوا الأكل وطلعوا لكم ببسي من الثلاجه
الغند : يلا قوموا بنات

" ريماس وشوق يناظرون يوسف ينتظرون أجابه ويوسف يحاول يشيل عيونه عنهم مايبي يجاوب على سؤال شوق "

" المهم حطوا الغدا وقاموا يأكلون "

" يوسف خلص بسرعه وقام وراح الحمام يغسل ( الله يكرمكم ) "

شوق رجعت تسأل نهى : يوسف بلغ؟
نهى ضحكت : أي بلغ
ريماس : ياعمري ، كبر ولدنا
شوق : متى بلغ؟
نهى : قبل كم يوم
شوق شهقت : ونا أقول فيه شي متغير بس مدري وشو ، طلع بلغ البيبي
الغند : الحين وش نسوي
ريماس ناظرت الغند : كيف وش نسوي ؟
شوق : عادي نعتبره اخونا
الغند : بس هو مو اخونا!
ريماس : قصدك نقطع العلاقه معه؟؟
الغند : يعني م نقطعها نحاول نخفف الميانه شوي ونحاول نلبس ساتر ، بالنهايه هو رجال ولا يحل علينا
ريماس : لا ولله ! ، على اساس الحين نلبس مفصخ قدامه؟
شوق : معليش أنا وحده مقدر استغني عن يوسف كيف تبوني أتغطى منه
ريماس : أصلاً فوق كذا كلنا عايشين ف بيت واحد ما يمدي
نهى صدعت منهم : خلاص خلاص اسكتوا ، بعدين ندور حل أكلوا الحين