طلعت شوق وطلع معها يوسف وشافوا ريماس جالسه تتهاوش مع ولدين
ريماس : كلتبن مسوي رجال ع راسي يعني
الولد: انت مب مكانك هنا مكانك ف مدرسة بنات ي الخكري
شوق: هي انت
الولد : اوه خكري ثاني اكتملوا
يوسف : لا تتعدا حدودك
الولد : وش بتسوي اذا تعديتها ؟
ريماس : بندعس عليك وع خويك
الولد الثاني : تخسي اذا انت ولد ابوك جرب
ريماس : ههههه متأكد ؟
جا نواف ومعاه العيال والغند
الغند : بنا.... اقصد عيال شسالفه
نواف وهو يتكلم مع نفسه "كنت عارف "
نواف : يعني لين متى ؟
الولد: هلا ولله نواف ارحب
نواف: كلزق وعلمني شقاعد تسوي انت وهو
الولد: شفيك واقف مع الخكاريه ليكون ضبطت لك واحد ؟ههه
شوق: تلايط بس قال ايش قال ضبطت لك واحد
الولد: طلع لك لسان
جا استاذ ومعروف ذا الاستاذ مره عصبي
الاستاذ : خير أن شاءالله كل واحد ع فصله!!
الطلاب : طيب
كان احمد وقتها يشتري من المقصف وشاف شوق ونواف والشله وراح عندهم
احمد : السلام عليكم
العيال والبنات : وعليكم السلام
احمد : سهم
شوق : هلا
احمد : انت كويس يدك توجعك ؟
شوق: ايوه زينه توجعني ع خفيف بس
يوسف : ذا الكلب الي ضربك !
شوق : يوسف خلاص قلت لك سامحته
احمد : والله م كنت متوقع يصير كذا كنت امزح بس
يوسف : حتى لو تمزح شذا المزح الدفش
حسام كان جنب ريماس وكانت ريماس تاكل حسام اخذ الاكل الي كان عندها وجلس ياكل
ريماس : وججععع رجع اكلي ي الدب
حسام : لك ساعه وانت تاكل م شبعت ؟
ريماس : م لك دخل الاكل اكلي والبطن بطني اشبع ب الوقت الي ابيه
حسام : طيب تبي الاكل اخذه
حسام رفع يده فوق وكان ماسك الاكل وريماس كل شوي تنط تنط وطاحت عليه ب الغلط وهو طاح ع الغند
الغند : فغصتوني الله ياخذكم ابعدددووا
حسام كان مصدوم لان ريماس طاحت ع بطنه وكان وجهها ع صدره
ريماس : الله يقلع راسك طيحتني
ريماس رفعت راسها وشافته يناظرها وجلست ساعه تستوعب بعدها قامت بسرعه ووجهها صار احمممر
ريماس : خلاص خذ الاكل م ابيه وراحت تخبت عند شوق
الغند : حسسسامم متى ناوي تقوم مب قادر اتنفس منك
حسام حس ع عمره وقام
خالد: عطني يدك هتان
الغند مسكت يده وقامت
شوق : شفيك ريان؟
ريماس : كله منك
شوق : بسم الله شسويت
ريماس: كليييزق
شوق : اشبك ليه وجهك احمر تعبان؟
ريماس : لا مب تعبان امش نروح الفصل
شوق : تمام تمام بس تعلمني شصار
ريماس : م فيه
شوق : لا بتعلمني
شوق مسكت يد يوسف وراحوا وكان يناظرها نواف والغيره ذابحته
وصلت شوق و يوسف و ريماس الفصل حق يوسف دخلوا
يوسف : تعال بوريك مكاني
شوق : يلا
ريماس: ليه فصلكم اكبر من فصلنا؟
يوسف: لان ذا الفصل حق اوائل ودايماً تجيك دفعه كامله ف ياخذون الفصول الكبيره
ريماس : اهااا
شوق جلست ع كرسي يوسف
شوق: اههخخ ي التعب
يوسف : شفيك ؟
شوق: اليوم مره زق
ريماس : صدقتي بس صراحه صار فيها اكشن ههههههه
شوق : اي ولله ههههه
يوسف : شفتوا وجه احمد يوم هاوشته وخاف حسيت اني هيبه
شوق : الهيبه وين وانت وين ارقد بس
يوسف : حرام عليك ياخي ليه تحطميني
شوق: عشاني احبك
يوسف : حبيبتي والله
جلسوا يسولفون ويضحكون بعدها رن الجرس وقاموا وطلعوا من الفصل
راحوا فصولهم
الاستاذ : تأخرتوا مره ثانيه
الغند : شرايك تمشيها ذي المره بعد
الاستاذ : لين متى يعني بس ذي المره بمشيها بس ذي المره سمعتوا !!
شوق: ايوه
ريماس: مسوي شادها هو ووجه
شوق: اسكتي اسكتي قسم مب فاضيين نلقم تعهد بسبتك
ريماس : واذا لقمتي تعهد م راح تقوم القيامه
الغند: بتفضحونا اسكتوا
الولد الي ورا شوق وريماس
الولد: لو سمحت
ريماس لفت عليه
ريماس : في شي ؟
الولد : اي ابي اعرف حل سؤال 5
ريماس : انا م كتبته
شوق سمعت حوارهم
شوق : وانت من متى تكتب؟
ريماس صفقت شوق ع راسها
ريماس : اهجد
شوق: الحين انا شكو
الولد يضحك عليهم : اقول عندكم الحل ولا لا
شوق: اي معي معي امسك
الولد : ماشاءالله خط دكتور ليه احس انك بتصير دكتور؟
شوق: ان شاءالله اصير
الولد : عاد اذا صرت كل يوم بجيك عشان تشافيني ههههههه
شوق: حياك ب اي وقت ههههه
الولد: اسمك سهم صح؟
شوق: ايوه وانت؟
الولد : معك عيسى
شوق: تشرفنا
عيسى : وانت
يقصد ريماس
ريماس : ريان
عيسى : تشرفنا وعاشت الاسامي
شوق وريماس : عاشت ايامك
جا وقت روحتهم
الغند : شكلنا بنروح كعابي
ريماس : الشمس تصقع الراس بيجيني هبوط
شوق: تراكم اوفر عادي م فيها شي نمشي كعابي منها رياضه
ريماس : انتي اسكتي اكثر وحده كسلانه وتتكلمين عن الرياضه؟
شوق: حسستيني انتي الي مقطعتك الرياضه وتمشين كل يوم وانك مره صحيه ليتك سادتها واكرمتينا ب سكوتك
ريماس : ع زق
الغند : الحين انتم متأكدين انكم اكبر مني ؟ كأنكم بزران وانا العاقله فيكم
ريماس وشوق: كليزق
جا نواف عندهم
نواف : ليه الحلوين م مشوا
الغند : م معنا سياره وظهر وحر
نواف : طيب امشوا نوصلكم
شوق : لا م نبي بنروح مشي
نواف : قلت لكم تعالوا
شوق: غصب هو؟؟
نواف : اي غصب واذا م جيتوا ثلاثتكم م راح يصير خير
ريماس : وش بتسوي مثلاً؟
نواف : افضحكم وترا انا عارف ومتأكد ١٠٠٪ انكم بنات ف خلونا حلوين وامشوا
الغند : وش تشوفنا عندك تقول بنات !!
نواف : تراني اذكركم زييين حتى الاسلوب نفسه كل شي نفسه وقلت لكم بنتقابل بعدين صح ولا لا
ريماس : لا مب صح امشوا ي عيال
نواف مسك يد ريماس
ريماس : وكسر ان شاءالله اترك يدي
شوق: تستهبل نواف شيل يدك!
نواف: خفتي؟
شوق : شكو اخاف وكم مره قلت لك لا تعاملني كاني بنت واترك يد ريان ولا وقسم اشتكي عليك
نواف : وانا اقدر افضحكم واخليكم تنطردون من المدرسه شرايك الحين ؟
الغند : انتم شفيكم بسكم هواش ونواف شكراً م نبيك توصلنا ولا هو غصب نروح معك وحنا مب واثقين فيكم
نواف : شفيك عادي مو حنا كلنا عيال ع قولتكم رغم ذا الشي كذب
الغند: كذب ولا مب كذب عيال او بنات حنا م نثق فيكم واتمنى تتركنا نروح ب سبيلنا
نواف : تمام راح اتركم بس بشرط
شوق: لا وتتشرط بعد اترك يده قلت لك
نواف : م راح اترك يده الا لين اقول شرطي
الغند : قول طيب
نواف : برسلكم موقع وابيكم تجونه الساعه ٩:٣٠ الليل واذا م جيتوا صدقوني م راح تدخلون بكرا المدرسه
شوق: يصير خير
نواف : هذا انا قلت لكم وربي م تخشون
ريماس : طيب قلنا لك شيل يدك القذره عني وجع
نواف ترك يدها
نواف : روحوا ومثل م قلت لكم سمعتوا
وراحوا البنات قبل م يسمعون كلامه
الغند : وش الدبره بنات
ريماس : يدي توجعني بسببه الكلب
شوق: اشوف وريني بس
ريماس : شوفيي
شوق: ذكريني اعطيك مرهم
الغند: بنروح عندهم ؟
شوق :.......
تتوقعون وش بيصير للبنات ؟
وهل صدق نواف بيكشفهم واذا كشفهم وش بيسوي فيهم ؟
طيب وعيسى تتوقعون بتصير له مواقف مع شوق وريماس والغند ؟
اسفه طولت مررره ع البارت تعرفون الواحد اذا اشتغل ينسى كل شي ف ان شاءالله م اطول ع البارت الثاني وبيكون فيه حماس صدق 😍🫶🏻.
أنت تقرأ
دخلنا مدرستكم ب الغلط وكانت احلى غلطه .
Jugendliteraturان شاءالله تعجبكم ، الشخصيات حقيقه لكن الروايه خياليه ب اللهجه السعوديه 🫱🏽🫲🏼.
