جزء ما قبل الأخير ...
- وصلوا البنات البيت ودخلوا وسلموا على نهى وصاروا يسولفون ومستانسين والجلسه مليانه نفوساً خفيفه
- عدا اليوم وجا آخر الليل والبنات كانوا جالسين ب الصاله
ريماس : ها بنات قررتوا تكلمون يوسف
الغند : في ذا الموضوع انتوا كلموه م اظن بقدر اواجهه
شوق : شدعوه عليك ليه م تقدرين تواجهينه
الغند بضيقه : عيونه توجع قلبي
ريماس منصدمه : الحين اللي يشوفك يقول انتِ ويوسف شخصين بقلب واحد ! م يدرون انكم 24 ساعه تتهاوشون مع بعض
الغند : هو صحيح اتهاوش معه ، بس ولله احبه مثل م تحبه شوق
شوق : كلنا نحبه ي غند ومافينا قوة نصارحه بس وش نسوي ضروري نكلمه
ريماس قامت : اجل أنا بروح أناديه الحين
الغند : الحين!!!
ريماس : اي الحين اجل متى
شوق : خليها بكرا ي ريماس تونا اليوم مأجزين
ريماس : خلاص تمام أنا بروح انام
الغند قامت معها : حتى أنا
شوق : شويات واجيكم
- راحوا البنات الغرفه وجلست شوق ب الصاله
- كانت تطقطق بجوالها لين جاها اتصال من نواف
شوق مستحيه : هلا عيوني
- نواف ضحك
شوق استغربت : وش فيك تضحك !
نواف : للحين مستحيه مني ؟
شوق ابتسمت : يعني
نواف تنهد : ي حلوك ي شوق ولله اني احبك وابيك لي
شوق : خلاص اشتغل وجمع مهري واشتر بيت وتعال أخطبني
نواف : ولله خايف تروحين مني
شوق : لا تخاف ما راح اروح مكان
نواف : تدرين وش اللي مضايقني
شوق : افا! تتضايق ونا موجوده ؟
نواف : أنا عارف هذا الشي مو بيدك
شوق مستغربه : مافهمت
نواف : شوفي أنا متضايق ومبسوط
شوق : طيب شفيك تكلم
نواف : متضايق لاني تعرفت عليك بشكل مو حلو ومبسوط لاني تعرفت عليك
شوق ضحكت بضيقه : اللي صار لنا مو زين وكانت راح تكون ب اي لحظه ننكشف وتصير مشاكل ومدري ايش بس لولا الله ثم انت كان م مشت الامور على احسن حال الحمدلله انك معي على رغم انك وريتنا نجوم الظهر إلا انك ساعدتنا كثير
نواف : احبك
شوق : وانا اعشقك
نواف : يلا روحي نامي وارتاحي مابي اطول عليك
شوق : من عيوني وانت برضوا
نواف : منام العافيه
شوق : يعافيك
- قفلت شوق الجوال وقامت وراحت الغرفه تنام
- جا اليوم الثاني
- في بيت نواف
نواف يصارخ : كادي
كادي ب المطبخ : نعم
نواف : اوه طلعتي بالمطبخ احسبك فوق
كادي : طيب شتبي تصارخ
نواف : تعالي ابيك بسالفة
كادي باقي م طلعت من المطبخ : إذا م عندك سالفه لا تخليني اجي على الفاضي
نواف : تعالي السالفه قويه جداً
كادي طلعت من المطبخ : ولله عارفه ان م عندك سالفه بس يلا خلنا نسمع سالفتك الشينه
نواف : اقول بس لا تتحلطمين كثير وين نوره
كادي : بغرفتها تكلم صديقتها
نواف : امشي نطلع لها
كادي : ولله مالي خلق ي نواف
نواف : تبيني اعلم نوره بس ؟
كادي قامت : الله يشغلك
أنت تقرأ
دخلنا مدرستكم ب الغلط وكانت احلى غلطه .
Roman pour Adolescentsان شاءالله تعجبكم ، الشخصيات حقيقه لكن الروايه خياليه ب اللهجه السعوديه 🫱🏽🫲🏼.
