دخلنا مدرستكم ب الغلط وكانت احلى غلطه .

يوم مرهق

"الساعه 3:14 العصر يوم الاربعاء "

نهى: يوسف قوم طق الباب ع البنات
يوسف : ابشري
نهى : قول لهم الغداء جهز

"رقى يوسف فوق عند غرفة البنات ، كان وقتها الغند صاحيه "

طق الباب

الغند : مين (بصوت عالي)
يوسف : تقول امي خلص الغداء تعالوا
الغند : قول لها ترا شوق وريماس م صحو
يوسف : صحيهم طيب
الغند : حاولت اصحيهم م قدرت
يوسف : طيب دقيقه

"نزل يوسف وراح عند نهى "
نهى : نزلوا ولا لسه؟
يوسف : باقي م صحوا بس غند صحت
نهى : بيذبحوني

"راحت نهى فوق "

فتحت الباب

نهى : للحين م قمتوا ؟
الغند : ترا تعبت ونا اصحيهم نومهم نوم بقر
نهى : ريماس ي العله قومي!!
ريماس : هااااا
نهى : قومي تغدي
ريماس : م ابي اقوم
نهى: وش الي م تبين تقومين قومي بس ، يلا غند سحبيها من هنا وانا من هنا
الغند : يلا يلا
ريماس : وربي اذا لمستوني صفقتكم
نهى : اقول اسحبي بس

"وصاروا يسحبون البطانيه وريماس متمسكه فيها ، وشوق ب سابع نومه "

وبعد محاولات ريماس قامت ، وجا يوسف عندهم

يوسف: واخيرا صحيتي
ريماس: ترا مو رايقه لك
يوسف : تكفين روقي ، اقول توكلي بس
ريماس : كلزق
نهى : شذا الازعاج انت وياها اخلصوا خلونا ننزل وناكل
ريماس : طيب وشوق ؟
يوسف : لا شوق خلوها تعبانه
ريماس : والله ؟؟؟
نهى : خلاص لا تزعجونها وانزلوا

"نزلوا وحطو الغداء وصاروا يتغدون "

المغرب الساعه 6:44

"كانوا وقتها جالسين ب الصاله والفوضى تعم المكان "

"صحت شوق من غيبوبتها وتروشت ونزلت الصاله وكلها تعب "

"شافها يوسف "

يوسف : هلا ، هلا والله ، هلا ب روحي
شوق : هلابك ي قلبي كيفك الحين احسن؟
يوسف : المفروض انا اسألك
شوق : كلنا واحد
الغند : ماشاءالله وش ذي الترحيبات الحاره
ريماس: والله لو انها انا
يوسف : انا غاسل يدي منك خلاص
ريماس : انت سد حلقك
نهى : خلاص ي عيال لين متى
شوق : كيفك امي نهى ؟
نهى : ي قلب امك انتي ، والله بخير من بعد شوفتك
شوق : حياتي انتي ، كيفكم بنات ؟
ريماس : شوق انتي طحتي ع راسك ؟
الغند : ي قليلة الادب احمدي ربك تسأل عنك ، معليك منها شوشو ، انا بخير دامك بخير
شوق : ي قلبي هههههه
ريماس : يوه شوق احس من زمان م سمعت ضحكتك فديتها
شوق : والله انا الي من زمان م سمعت حسكم
نهى : تعالي اجلسي لا توقفين كثير

"جلست شوق وقاموا يسولفون ويضحكون تقريباً نسو شوق تعبها "

نهى : اقول شوق
شوق: سمي
نهى : سم الله عدوك ، ترا م راح تداومين بكرا
شوق : ليه؟
يوسف : وش الي ليه تراك تعبانه انتي
ريماس : حبيبي ترا حتى انت وراها
يوسف : اقول انا ماني تعبان
الغند : كلنا م راح نروح
نهى : لا انتوا روحوا
ريماس : لا لا خلينا نتفاهم
شوق : لا م فيه ، لا تخلينهم يروحون لحالهم
الغند : لا تنسين بكرا خميس
نهى : ولا تنسين انك م داومتي لك نص شهر جالسه ب البيت
ريماس : كنا خايفين ع شوق ويوسف شلون تبينا نداوم ؟
نهى : اي ماشاءالله عليكم مره خايفين عليهم

بعد نص ساعه

شوق : اقول بس خاطري اروح البقاله
ريماس : شرايكم نقوم كلنا ؟؟
نهى : مالي نفس
الغند : خلاص بنروح لحالنا
نهى : انتبهوا ع نفسكم وخذوا يوسف
يوسف : امي شذا الكلام اكيد انا اول واحد يطلع ؟
نهى : تمام حبيبي اطلع اول واحد هههه
شوق : بنات جيبوا ثوبي والغتره
ريماس : شتبين فيهم ؟
شوق : بتلثم
الغند : ليه ؟
شوق : خوف
يوسف : خلاص لا تسألون كثير وحتى انتوا البسو
ريماس : الله يونسسسس
شوق : ترا للضروره ولا م يجوز
ريماس : ادري استغفرالله

لبسوا وطلعوا وصارا يمشون ب الحاره

"وهم يمشون"

يوسف : م توقعت يوم من الايام بمشي مع اشخاص انا احبهم ومرتاح لهم وفوق كذا عايشين معي بنفس البيت وكانهم اخواني واخواتي
ريماس : ياخي يوسف عليك حركات انت وشوق ، فجأه تقولون كلام يفتح النفس
الغند : وانتي عليك حركات م تفتح النفس ، ع الاقل اشكريهم
ريماس : انتي وش وضع امك شخصوني؟

"شوق حست ان بيصير شي ف جلست تهديهم لان ريماس جابت العيد شوي ، وبعدها قربوا للبقاله وكان وقتها فيها شلة اجانب من الهند  "

الغند : م احب ذي الخطوه
شوق : لا تنسون ترا لابسين ثوب ومتلثمين م راح يعرفون ان حنا بنات
ريماس : طيب شوق محد قال شي شفيك متوتره
شوق : سدي حلقك
يوسف : توكلوا ع الله و م راح يصير شي

"كان وقتها الساعه ١٠:٣٠ ب الليل وهذا يعتبر متأخر لطلعات البنات "

"في مكان ثاني كان موجود نواف وحسام وخالد وخويهم بدر يلعبون سوني "

بدر : ودي ب دخان
نواف : بالله عليك جب اثنين
حسام : ي عيال لا تجيبون دخان جيبوا بطاطسات وكذا
نواف : قوم ي ابو بطاطسات وجيب لنا ولا تجلس تتشرط
حسام : م راح اقوم ، قعد خالد وخله يقوم
نواف : وخالد بيقوم لك يعني ؟
بدر : ليتني ساكت
نواف : ي رجال انت تكلمت قوم جيب يلا
بدر: ع كيفك !
نواف : اي ع كيفي ، يعني مين تكلم غيرك قرينك؟
بدر: ي ليل الزق
نواف : يلا بسرعه بسرعه
بدر : ترا بروح ب سيارتك
نواف : وسيارتك وينها؟
بدر : ب الورشه
نواف : طيب خذها وعبها بانزين وانت جاي
بدر : بعد!
نواف : ليه ي قلبي تبي تروح بلاش؟
بدر : حسبي الله

"وطلع وركب السياره ودز البقاله "

"شاف بدر شوق وريماس والغند ويوسف جالسين يتناقشون ، قرب من عندهم "

بدر : ي حلوين شعندكم واقفين هنا
ريماس : وانت شكو ؟
بدر : ياي وانت شكو ، ي زين الدلع ي ناس
الغند : ي ليل مطولك
شوق : لو سمحت ممكن خدمه
بدر : لبيه؟
شوق : لباك ، ممكن تخش معنا البقاله ؟

"الغند وريماس ويوسف طالعوا شوق وهم مصدومين ، كيف تطلب من واحد م تعرفه وتخليه يخش معنا البقاله؟ واضح مو متوتره ههههه "

بدر : اكيد ، انا اصلاً ناوي اخش البقاله
شوق : صدق ؟ ، اجل يلا مشينا

"ونزل بدر وقفل السياره ودخل البقاله معهم "

بدر: احسك مو طبيعي
شوق : شلون مو طبيعي ؟
بدر : مدري شكلك مو غريب علي قد شفتك من قبل

"توترت شوق وقالت"

شوق : لا لا م تعرفني ولا قد شفتني ويعطيك العافيه عشانك خشيت معنا معسلامه

بدر : صبر وين رايح ؟
شوق : بروح بيتنا
بدر : تعالوا اوصلكم
شوق : لا شكراً شكراً

"وهجت "