" وصلوا البنات بيت تاله "
" نزلت تاله من السياره وسكرت الباب "
" فتحت ريماس النافذه "
ريماس : انتبهي لنفسك
تاله ابتسمت : وانتوا برضوا
شوق : واذا تبين شي اتصلي
تاله : من عيوني
الغند : ترا رقمي عندك لا تترددين
تاله : ابشري
" جات سياره ووقفت قدام سيارة شوق وكان فيها 2 شباب "
" نزل واحد "
... : تاله وش تسوين طالعه؟
تاله : زياد !
" زياد ناظر سيارة شوق وقرب منها "
زياد : من انتوا؟
شوق : صديقاتها
زياد بعد شوي عن السياره : اها ، وش جابكم هنا ؟
ريماس : ابد جاييين نشوف بيتكم يمكن نشتريه
زياد : حلو ، انتِ الحين جالسه تطقطقين ؟
ريماس : يعني سؤالك غبي ، بالله ليه جايين ، عشان نشوف صديقتنا
" تاله مسكت اخوها وسحبته ودخلته البيت وقبل لا تدخل "
" قالت للبنات "
تاله : اعذروني شوي
ريماس : خذي راحتك
" دخلت تاله ومعها زياد "
تاله : خير انت !
زياد : وش اللي خير ؟
تاله : ليه تتكلم مع صحباتي ب ذا الاسلوب وليه تتدخل فيني مالك صلاح !
زياد : امي تدري انك طالعه مع صحباتك؟
تاله : شرايك ، انا حخرج من وراها ؟
زياد : يمكن
تاله : انا مو زيك على فكره
" عند البنات "
الغند ناظرت السياره اللي قدام : هذا شفيه يناظر زي كذا
شوق : مين ؟
" ناظرت شوق السياره "
شوق : خليه يناظر لين بكرا
ريماس ضحكت : لهدرجه نلفت الانتباه
شوق ضحكت معها : تشوفين انتِ
" جت رساله بجوال الغند "
- الرساله : انا اسفه ماقدر اطلع اودعكم ، تهاوشت مع اخوي ، ولنا لقى اخر تمام ؟
- كتبت الغند : تمام يروحي انتبهي لنفسك
" قفلت الغند جوالها "
الغند : يلا امشي شوق
شوق : تمام
" ومشوا البنات "
- عند العيال
" خالد وحسام يلعبون سوني "
" وبدر ونواف جالسين يسولفون"
بدر ياكل فصفص : سمعت انكم بترجعون للمدرسه
نواف يشرب شاهي : اي
بدر : غريبه مو من عوايدك
نواف : في ناس محتاجتني
بدر : ولله لو انك باتمان
"نواف ضحك "
بدر : طيب زي مين ؟
نواف : ما احب اصرح
بدر : بالله مين
نواف : ناس ناس
بدر : بزر انت ، اخلص قول مين اللي بتداوم عشانهم
نواف : يرجال قلنا لك ناس يوه
بدر : معليه معليه صدقني بعرف من ذولي الناس
نواف ضحك : الله يوفقك
أنت تقرأ
دخلنا مدرستكم ب الغلط وكانت احلى غلطه .
Novela Juvenilان شاءالله تعجبكم ، الشخصيات حقيقه لكن الروايه خياليه ب اللهجه السعوديه 🫱🏽🫲🏼.
