" نزل نواف الدور الثاني "
كادي بوجه بريء : نوفي
نواف : عيونه
كادي : شرايك نروح البقاله
نواف : ع حسابك ؟
كادي : اكيد لا
نواف : اجل انثبري
"وراح نواف عنها "
" عند شوق "
يوسف : وربي طفش
الغند : شرايك نلعب اونو؟
يوسف : تم
الغند : بنات انزلوا من ع الكنب العبوا معنا
ريماس : بفقع وجيهكم
الغند : تخسين
شوق : ب احلامك ي حُب
ريماس : تبونها احكام؟
شوق : متأكده؟
ريماس : اي واللي م ينفذ ينقلع من الحين
يوسف : تأكدي انك بتنفذين من اول قيم
ريماس بتحدي : نشوف
"اللعب الاول عند شوق بعدها يوسف بعده الغند وبعدها ريماس "
شوق : م ودك تسحبين كلامك رموسه
ريماس وهي تحط الورقه : وراه اسحب؟
شوق : لانك بتلقمينها الحين
ريماس بضحكه : ناويتها علي ي حيوانه
شوق بضحكه : هههه لا معليك
"جت نهى عندهم وهي تاكل بطاطس"
نهى : ماشاءالله وش تسوون
الغند : شوفة عينك نلعب اونر تدخلين معنا ؟
نهى : لا لا كملوا
الغند : ترا يمدي تدخلين تونا بدينا
نهى : باكل اول بعدها العب
الغند : تمام ب العافيه
نهى ب ابتسامه : الله يعافيك
"فجأه يوسف حط ورقة ام اربع وهذي الورقه اذا جت عليك الله يعينك الا اذا كان عندك تسحيبه ف هذا حظك "
الغند : وجع يوسفوه
يوسف : هههه يلا يلا اسحبي
الغند : حيوان
" وسحبت الغند اربع اوراق "
ابتسمت الغند : الحين اوريك شغلك
يوسف خاف : خلاص كنت امزح
الغند : انا اوريك اصبر علي
ريماس بشماته : ها شوق شصار عليك
ضحكت شوق : ابد اموري بخير
"ريماس حطت تسحيبه ثنتين وكان اللون وقتها ازرق "
شوق : بدري عليك
"وحطت شوق برضوا تسحيبه ثنتين"
يوسف : هي هي م تحطونها علي
"وبرضوا يوسف حط تسحيبه ثنتين "
الغند : دزوا امها م راح اسحب
"وحطت تسحيبه ثنتين "
" وجا الدور ع ريماس بس تحسبون وقف اللعب "
ريماس : بتسحبين ي حبي
شوق : يلا وريني
"وتحط ريماس تسحيبه ام اربع"
شوق : والله قلت لك بدري عليك
"وتحط شوق تسحيبه ثنتين ولقمها يوسف "
الغند بضحكة شماته : يلا ي بيبي اسحب ١٢ ورقه
يوسف : الله ياخذك ي ريماس كله منك
شوق : اجل بتسحبيني ها
ريماس بقهر: كم عندك تسحيبه ي الزفته
شوق بضحكه : ههههه ب الاونو احلمي تفوزين علي
"ريماس تربعت زين "
ريماس : بتقوم شخصنه الحين
" فجأه رن جرس البيت وفي احد يطق الباب "
" نهى استغربت لان مافي احد يجيه ب هالوقت "
" وقف الصوت وبعدها رجع ورن الجرس وطق الباب "
" كلهم التفتوا ع بعض "
ريماس : مين بيضحي ب حياته ويفتح الباب
شوق : الله الله يضحي ب حياته ليه ، رايح يجاهد؟
الغند : خلاص انا بقوم افتحه
يوسف : اقول اقعدي انا رجال البيت
نهى : حي عينك ي ولدي ، يلا روح افتحه
" يوسف قام وقاموا معه كلهم "
يوسف ناظرهم : شفيكم
شوق : م راح تروح لحالك
" بعدها راحوا لعند الباب "
يوسف : مين ؟
... : انا
يوسف مستغرب : طيب انت مين ؟
سطام : انا سطام
يوسف : سطام؟
سطام : اي
يوسف : انزين انا م اعرفك
ريماس : اوه ، عرفتوه ي بنات ؟
الغند : اي اللي ب المخيم ، افتح له الباب
" شوق كانت ساكته "
نهى : شوق ...
"شوق سرحانه"
نهى علت صوتها :ي شوق
شوق صحت من خيالها : شفيك
نهى : لي ساعه اناديك شفيك ضعتي
شوق : لا مافي شي
نهى : الحين نفتح له ولا ؟
شوق : لا تفتحون الباب كله ، خلوه مردود
الغند : طيب
" فتح يوسف الباب شوي "
يوسف : شتبي ؟
سطام : لا حبيت اتطمن ع سهم
يوسف ناظر شوق بعدها ناظر سطام : سهم بخير تبي شي ثاني ؟
سطام يبي يشوف اخته ب عينه : ممكن تخليني اشوفه
يوسف عصب : وخير ان شاءالله من انت ؟؟
سطام وده يقول انت ع اي اساس تقول من انا : عادي انا جاي اتطمن شفيها يعني
يوسف قام يعلي صوته : خلاص قلنا لك بخير ويلا معسلامه
فجأه شوق قالت : يوسف
يوسف التفت عليها : هلا
شوق : خله يشوفني
يوسف مصدوم : شوق؟
شوق : بس افتح الباب شوي خله يشوفني ويطس عنا
يوسف : ع راحتك
" وفتح يوسف الباب وشاف سطام شوق وجلس يناظرها من فوق لتحت "
يوسف وده يمسك سطام ويذبحه : هي انت قلنا شوفه بس م تصوره ب عيونك
سطام لا إراديًا : كبرتي
شوق مو فاهمه : وش كبرتي ؟
سطام حس ع نفسه : لا بس اقول من اخر مره شفتك ب المخيم تغيرت بعدها
(مايعرف يرقع)
(اكيد تقولون شلون نست شكل اخوها ، والله م تنلام ع اللي صار لها ، بس لو يقول لها انا اخوك بتتذكر وقتها )
(نرجع)
شوق م اقتنعت : اها ، طيب
"سطام خاف شوي انها تكشفه وتبتعد عنه اكثر "
يوسف نفذ صبره : خلاص شفته تقدر تروح
سطام رجع لبروده : يعطيك العافيه
يوسف : معسلامه
سطام وهو رايح : انتبه لك ي سهم
يوسف رافع حواجبه : بعد؟
سطام : معسلامه
" بعدها يوسف سكر الباب "
يوسف يتحلطم : لا وبكل ثقه ابي اشوف سهم
الغند : تكفى اعصابك لا تموت علينا
يوسف : انتِ اسكتي بعد
الغند بشهقه : تسكتني انا !!
يوسف التفت عليها : اي انتِ
نهى : انت وياها اعقلوا احسن لكم
يوسف : امي شوفيها هي اللي بدت
الغند : كلتبن بس
نهى : غند انتِ اكبر منه المفروض م تقولين هالكلام
الغند : تكفين ي خاله مافي فرق بينا الا سنه
نهى : يعني مهما كان
شوق عصبت عليهم : لا اسمع حس
"وسكتوا "
رجعت شوق تتكلم : امي نهى
نهى : عيونها
شوق : بقترح عليك
نهى : اقترحي
شوق : شرايك السنه الجايه نحول منازل
نهى : وليه
شوق : لان السنه الجايه محد معنا بيكون نواف متخرج ومستحيل نقعد ب المدرسه بروحنا
نهى : ع هواكم
شوق : ها شرايكم بنات
ريماس : اتفق معك لان الصدق شلون بنداوم بدونهم
الغند : هذا اعتراف جداً قوي
يوسف : وطيب انا؟
الغند : حول معنا
شوق : حرام ومستقبلك تضيعه ليه
يوسف : انا اداوم عشانكم وتبون تحولون واقعد لحالي لا م فيه
ريماس : يعني عادي تقعد معنا ب البيت ؟
يوسف ب اصرار : اي عادي
شوق : وش قلتي ي امي
نهى : قلت لك براحتكم اللي تبونه قولوا لي وابشروا
أنت تقرأ
دخلنا مدرستكم ب الغلط وكانت احلى غلطه .
Teen Fictionان شاءالله تعجبكم ، الشخصيات حقيقه لكن الروايه خياليه ب اللهجه السعوديه 🫱🏽🫲🏼.
