Min Yoongi aka Suga as Yash Maheshwari
The reader aka Y/n as Mishti Agarwal
Mishti Agarwal television ki duniya ka ek bada naam...
Yash Maheshwari medical science ki duniya ka ek bada naam...
Mishti besabri se apne sacche pyar ka intezaar kar rahi h...
Abhi subh hai aur sabhi ka office time hai. Maheshwari house mein sabhi working log apne apne kaam par jaane ki tyaari mein hain. Ek ladka apne room min baitha hai. Wo ek-tak newspaper ko dekh raha hai jisme uski photo chhapi hai with the headline "INDIA'S BEST HEART SURGEON WITH 100% OF SUCCESS RATE".
Us ladke ne 100% ko kaat kar uski jagah 99% likh diya aur uthkar nahane chala gya. Uske nahane jaate hi uski mom bedroom mein gayi aur unhone coffee table par rakh hua newspaper dekha aur unki aankhein bhar aayi.
" Hey bhagwaan...Na jaane Yash kab use bhool payega...Koi to hogi hi jo mere Yash ko us bure sapne se bahar laayegi aur wo wapas pehle jaisa ho jaayega. 5 saal ho gaye hai us hadse ko aur aaj tak wo use bhool nahi paaya hai..."
Ye bolkar wo wahan se chali gayi.
DUSRI TARAF
Ek ladki bahut hi huste bustle waali jagah par thi aur wo kisi se video call par baat kar rahi thi. Wo ladki apne shooting set par thi aur wo apni ek chhoti si fan jo heart transplant ki surgery ke liye admit hai.
" Tripti didi, aap bahut achhe ho"
" Thankyou Pari"
" Didi please batao na ki Kunal ka accident hua ya nahi aur apne usko bachaya ya nahi"
" Achha ji. Kitni smart ho gayi ho na tum....ye janne ke liye aaj ka episode dekhna. Thik hai?"
" Didi mujhe aaj ke operation ke liye dar lag raha hai..."
" Pari tumhe wo dar ko bhagane waali poem yaad hai jo maine sikhayi thi?"
" Haan didi"
" Apne doctor uncle ko wo poem sunana aur tight se hug dena aur kissi karna"
" Okay didi. Bye. I love you"
" Bye. Love you too"
Ye bolkar Mishti aage ka scene shoot karne chali gayi.
ओह! यह छवि हमारे सामग्री दिशानिर्देशों का पालन नहीं करती है। प्रकाशन जारी रखने के लिए, कृपया इसे हटा दें या कोई भिन्न छवि अपलोड करें।
Yash apne hospital ke liye ready hokar hospital chala gaya. Aaj use Pari ki surgery karni thi kyunki uske heat mein ek hole tha. Woh ready hokar Pari ke room mein gaya. Wahan par Pari Mishti ka serial " Kahani Tripti Ki" dekh rahi thi.
ओह! यह छवि हमारे सामग्री दिशानिर्देशों का पालन नहीं करती है। प्रकाशन जारी रखने के लिए, कृपया इसे हटा दें या कोई भिन्न छवि अपलोड करें।
Jaise hi Yash Pari ke room mein pahucha usne dekha ki wo koi serial dekh rahi thi. Yash ke aate hi Pari ne use wo dar waali poem sunayi. Yash ke chehre par ek smile aa gayi.
" Doctor uncle, neeche jhuko na"
Yash neeche jhuk gaya. Parine uske gaal par ek sweet se kiss di. Yash pehle to shock ho gaya lekin fir uske face par ek smile aa gayi.
" Aapko yeh sab kisne sikhaya Pari"
" Tripti didi ne. Woh bahut achhi hain. Wo sabka dhyaan rakhti hain"
" To jab aap apni Tripti didi se miloge tab unhe meri taraf se ek kiss dena"
nurses Pari ko surgery ke liye le gaye aur Yash bhi chala gaya.
DUSRI TARAF
Mishti apne set par scene shoot kar rahi thi. Yeh scene usko Namish ke saath shoot karna tha jo serial ka hero tha. Reel life mein un dono ki chemistry bahut achhi hai. Fans un dono ko bahut pasand karte hain. Real life mein aisa bilkul bhi nahi hai. Ekdum opposite hai. Serial mein Nimish bahut sanskari hai aur Tripti se bahut pyaar karta hai but real life mein, wo ekdum neech aur gira hua insaan hai.
Wo log ek couple ka lovey-dovey scene shoot kar rahe the. Tabhi mishti ko laga ki Nimish use galat tareeke se touch kar raha hai. Usne turant Nimish ko peechhe dhakela aur zor se usko ek chaata maar diya. Is cheez par Ritesh bhadak gaya. Wo Mishti ko sunane lag gaya.
" Tumhari himmat kaise hui chaata maarne ki?!!"
" Tumhari himmat kaise hui aisi harkat karne ki?!!"
" Main to bas scene shoot kar raha tha"
" Tum scene shoot karne ki aad mein bahut kuchh kar rahe the. Apni na had mein raho Nimish. Main un giri hui ladkiyon mein se nahi hoon jinhe yeh sab pasand aata hai"
" Oh Mishti please. Tum toh yeh saari baatein karna hi mat. Tumhara rishta hi toota tha na us struggling actor ke saath...tab toh tumhe sab kuchh pasand tha" Ye line Nimish ne dheere se boli.
Mishti ne Nimish ko ek aur thappad maar diya aur woh wahan se roti hui chali gayi.
Mishti car mein baith gayi aur hill top par chali gayi jahan par woh tab jaati hai jab wo bahut dukh mein hoti hai. Usne apne serial ki producer sumitra ko inform kar diya. Sumitra Mishti ki dost aur ek maa jaisi thi.
6 GHANTE BAAD
Mishti abhi bhi hill top par hi thi. Wo ped ke neeche baithkar ro rahi thi. Usko wo saari buri yaadein baar baar yaad aa rahi thi. Yash ne Pari ki surgery successfully complete kar li thi aur wo bhi apni aur us ladki ki favourite jagah jo ki wo hill top tha wahan chala gaya. Har delicate successful surgery ke baad Yash wahan jaata tha aur wahan baithkar us ladki ko yaad karta tha.
Mishti aur Yash bekhabar the ki wo dono wahan akele nahi hain. Unko ek dusre ki presence ka koi ehsaas hi nahi tha. Wo dono hi nahi jaante the ki iske aage unki zindagiyan kaise aapas mein milne waali hai.
I hope you like it and do not copy my work. Also do not forget to follow, comment, vote for my work. Stay tuned for the next part.
