This Coffee Tastes Like My Past [completed]

Part-28

[Unicode]
သူရဇ္ဇက ဟယ်ရီ၏ messageအား ဖတ်နေခြင်းဖြစ်သည်။

[ဒီနေ့ Bossတို့ကို နောက်ယောင်ခံလိုက်နေတဲ့ လူကိုဖမ်းမိထားတယ်၊
သူ့နာမည်က Jack၊
သူတို့ရဲ့ဂိုဏ်းက Midnight၊
ရေမွှေးအဓိက ထားပြီးထုတ်တဲ့ Midnight companyနဲ့ ဆက်စပ်နေဖို့တော့များတယ် အတိအကျတော့မသိသေးဘူး စုံစမ်းဖို့တော့ လူတွေလွှတ်ထားတယ်၊ ပြီးတော့ ဂျက်ဆီကို သူ့ရဲ့တူလေးလို့ ယူဆရတဲ့လူက ဖုန်းခေါ်လာတယ်၊ မှတ်တမ်းတွေကြည့်ရသလောက်တော့ သူ့ရဲ့တူနာမည်က ဝေဟင်လင်းထင် ဖြစ်မယ်၊ လောလောဆယ် ကျွန်တော်သိထားတာ ဒီလောက်ပဲ၊ ထပ်သိရရင် Bossကို ချက်ချင်းအကြောင်းကြားစာ
ပို့ပါ့မယ်]

ဟယ်ရီ၏ messageကိုဖတ်နေရင်း 'ဝေဟင်လင်းထင်´ဟူသည့် နာမည်အရောက်တွင် မျက်မှောင်ကြုံ့ကာ နောက်ကိုလှည့်ကြည့် လိုက်မိသည်။

ချက်ချင်းဆိုသလိုပင် ဝေဟင်လင်းထင်၏ သေနတ်ဆီမှ ‌ကျည်ဆံက သူရဇ္ဇ၏ ညာဘက်ပုခုံးမှ ဖောက်ထွက်သွားခဲ့သည်။

ဒိုင်း!

ဝေဟင်လင်းထင် သူရဇ္ဇအား သေနတ်ဖြင့် ပစ်လိုက်သည်ကို မြင်လိုက်ရသည့် တိမ်ယံရှင်းက ဆိုင်အတွင်းမှ ပြေးထွက်လာကာ တွန့်ဆုတ်ခြင်းမရှိဘဲ ဝေဟင်လင်းထင်အား ခုန်အုပ်လိုက်ပြီး ထိုသူ၏မျက်နှာကို တရစပ်ထိုးကြိတ်တော့သည်။
ဝေဟင်လင်းထင်၏မျက်နှာထက်တွင် သွေးများဖြင့်မြင်မကောင်းအောင် ပေပွလာသည့်တိုင် တိမ်ယံရှင်းက မရပ်ခဲ့ပေ။

အဖြစ်အပျက်များကရုတ်တရက်ဆန်လွန်းသည်မို့ အကြောင်းအရင်းရေရေရာရာမသိရပေမယ့် ထိုသူကသူရဇ္ဇအား ထိခိုက်စေခဲ့သည်ကို အလွန်အမင်းဒေါသဖြစ်လျက်ရှိနေ၏။ ‌

နေမင်းသန့်စင်လည်း ကြောင်အနေရာမှ သတိဝင်ကာ ဝေဟင်လင်းထင်အပေါ်မှ တိမ်ယံရှင်းကို ဆွဲချလိုက်သည်။
မည်သို့ပင်ဖြစ်စေ ဝေဟင်လင်းထင်က သူလက်ထပ်ယူထားသည့် သူ့အမျိုးသားဖြစ်တာမို့ အခုလိုအခြေအနေကိုမြင်ရသည့်အခါ စိတ်မဆိုးဘဲမနေနိုင်တော့ပေ။

"ဖယ်စမ်း"

"F*ck အဲ့ကောင်ကရူးနေတာလား"

တိမ်ယံရှင်းက မကျေမနပ်ဖြင့် ဆဲရေးလိုက်ကာ သူရဇ္ဇဆီသို့ အပြေးသွားလိုက်သည်။