اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة 4
شهد مزالت مش مستوعبه مع انها نوضت الحوش كله بي عياطها وزريكها وفرحتها بي رجعت خوها اللي كان محجوز في المغرب من 4 سنين لي قصة هجره وبلاوي مورطينه فيهن شركه وهميه تواصل معاهم علي أساس يأمنوله شغل
شهد بي فرحه : يعني خلاص تم كل شيء
مهاب : أي خلاص تم كل شيء
نعيمه ولدها شاد يديها وهيا تبرق فيه ومش مصدقه : ليش مخبرتناش مقلتلناش ان خلاص انحلت القضيه
مهاب : اني وجابر قررنا نديروها مفاجئه
فتحي : جابر!
مهاب : أي هوا اللي سعي بيش حل القضيه ووكل محاميين ودزهم وواسطات والحق لولاه كنت مزلت محجوز غادي
شهد مبتسمه : مش غريبه عليه❤
نعيمه ردت تعنقاته وتبكي وفتحي مسح دموعه اللي نزلن وشهد ابتسمت وضحكت علي روحها بعد اذكرت الرساله اللي شفتها وشكت في جابر
