اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لايك وتعليق🤍
الحلقه 26
تفكرت ايامي هيييي وقلت يا حسره
مخيبها الدنيا ومحلاها الدنيا بلا غصره💔
سنة 2016
شهد:يعني انت خلاص قعدت محقق!!
جابر يصلح في خلاط امه:أي خلاص حصلت تعيين
شهد:بس خدمتك تخوف ليش اخترت التخصص هذا
جابر:من يومي نحب القانون
شهد:بس في خطر عليك صح
جابر شافلها: يمشفشفه تراجي فيا امتى نموت ولا شنو
شهد:بعيد السو اللطف جابر خيرك تفاول🥺
جابر ضحك: علي قلبك اني مولف
شهد ابتسمت وهو رد يصلح
فتحت عيونها للواقع ودموعها ينزلن مقلقتش وهي كل يوم مقعمزه بره وتفكر فيه وفي ذكرياتهم جميع شيعت راسها وشافت بلكونة حوشها وفي ودنها مسامع الغنيه الي اول مره رقصت فيها معاه❤
قبل 3 شهور شهد والعه أغاني وتمسح في الحوش شويه وخش
جابر:ايييي والله مزوج فيفي عبدو تلوي انتي ومكنستك🤦♂️
جابر شد يدها ومشي للمسجل ولع اغنيه وقعد يرقص هو وياها هي بالبيجاما وشعرها كعكه مبعثره وهو بلبس الشغل تقدر تتاكد وانت تشوف في رقصتهم انهم جسدين بقلب واحد و روح وحده❤
فتحت عيونها وانهارت بالبكي💔
انفتح باب الحوش وجت عين شهد فعين نعيمه قعدت تشوفلها بصدمه ونعيمه قربت
نعيمه:شفتك من بلكونة داري تبكي(شهد صبت بتخش)ربي يخليلك الي مسهرك تقعدي شويه
شهد وقفت وقلبتلها: شن مزال شايفه شيء عندي فرحانه بيه تبي تنهيه؟ بابا مات بسبب طمعك وجابر حتهوا بعيد عليا بسبب الي دخليته بينه بس مش جديد عليك من واني صغيره وانتي تسرقي في فرحتي (نعيمه تبكي وتشوفلها تحاول تبرر وشهد متواصله) لعبة العيد مش مهمه والنبايل متاع العيد ننفخ فيهم وانتي بيدك تطربقي فيهم وتلوحي, رسوماتي تشركي فيهم وتحرقي فيهم💔... يا مطيوحة السعد يا مقهوره يا بايره يا بومه يا وجه الشؤوم ياللي مشفتش منك فرح كله نسمع فيه من واني عندي خمس سنين حتى يديا متحنيش فيهم زي لبنيات الي نشوف فيهم ديما مبهدله وديما اخر الاهتمامات متاعك💔, جيعانه نقعد عادي صقعانه مريضه عادي شهد مش مهمه، نبي نسألك سؤال واحد بس ليش جبتيني؟ مع اني ديما نسمع ان مكنتيش تبي صغار خلاص وان جيت بالغلط وجيتي بتنزليني كله نسمع فيه بوداني ويندوا قدامي قوليلي اني شن ذنبي شن الي درته خلاك هك اديريلي💔
