اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لايك وتعليق🤌
الحلقه 9
جابر: قلتيلي الي جت امس؟
شهد معاه عالنقال : أي جت امس واليوم مشعارف خيرها
جابر مباش يخوفها ويقوللها اسمعيهن شن يقولن مشي بسرعه وقف قدام حوشهم: قلتيلي قالت ليها محبوس وامك بتتواسطله عنده؟
شهد : أي تسحابك متاع واسطات يا جابر نوري
جابر وصل وخدي سلاحه وقعد جاهز : عشان عيونك يا شهد فتحي
شهد صبت لقهوه وهي مبتسمه: قلبي منخش نعطيهم لقهوه سلام توا
جابر : في امان الله
سكرت شهد وطلعت
D0aa_Abd0* ---------------------------------------------------
فهالوقت هند مزالت بالمسدس علي راس نعيمه ونعيمه عيونها طلعن وقريب نجلطت: ولد اختك الي مزوجتي بنتك هو الي يحفر للطير
نعيمه: م م منعلمش والله ما نعلم بالله حولي هالشيء من علي راسي
هند : انتي لازم تجي معانا
نعيمه : وين؟
هند : لمكان سمح بوكل
نعيمه تشوفلها وعيونها مدمعه وترجف مالخوف : شبديري؟
هند : تنوضي تلمي كل الوراق الي فمكتب فتحي وتجي معانا
نعيمه : شتبو فيا خلوني في حالي
هند حست بكرعين جايات دست سلاح وردت قعمزت وفجاه نقلب ووجها لي وجه بريء ونعيمه مسحت علي وجهها بخوف وخشت شهد
شهد : تفضلي
هند : زيد فضلك يعروس
شهد ابتسمت وقدمت لامها : امي خودي ( ونعيمه مش معاها ) امي امي!!
نعيمه وعت : لالا منبيش
حطت شهد الصفره وطلعت وهند شافت لنعيمه وقالتلها : غدوه وتي روحك هتجي معايا
طلعت هند ونعيمه تشوفلها بخوف
D0aa_Abd0* ---------------------------------------------------
أنت تقرأ
الحقيقه المزيفه
Mystery / Thrillerلما يكون كل شيء مزيف بس داخله حقيقي،المشاعر الحب الامان حقيقي بس اسمائنا وصفاتنا مزيفه🤷♀️
