جت العشيه وشهد كانن خواتها يحوسن عليها من جيهه وحده تمكيج ومن جيهه وحده ادير فالشعر ووحده اديرلها في ظوافرها وفرحانات بيها اما هيا فكانت في حالة صدمه ووجها جامد
اختها الكبيره تهاني : خيرك شهوده
اختها اللي بعدها اماني : خليها تراهي خايفه متخافيش يا هبله تو تعجبيهم
وهيا كانت في عالم اخر تفكر في
شهد : جابر
كلهن بصوت واحد : نعم؟
شهد : نقالي رن اكيد جابر بعت رساله هذي نغمته
مدتلها اماني النقال وهيا برقت القت جابر بعتلها رساله ( شهد نبيك شويه ورا حوشنا )
شهد بعتتله ( منيش فاضيه جابر نوتي في روحي العريس شوي ويجي )
جابر بعتلها ( متخلينيش نقلبها عالعريس واللي جابوه انزززلي )
