اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لايك وتعليق🤍
تقدرو تقولو ان بدا الحماس فالروايه🔥
الحلقه 8
بعد خشت هند جابر خدي رقم سيارتها حتهيا حس ان هيا من طرف الطير لانها غريبه وحتى امه متعرفهاش وشهد بعد كملت مكياج نزلت لامها توريها وخشت علي كلمة انحبس!!
شهد : منو انحبس شنفي؟؟
نعيمه برقت في شهد وقالت : ءءء تي هذا واحد جارنه قالو انحبس خلاص ان شاء الله نشوف ولد اختي فالقصه هذي
هند بعد شافت شهد امكيجه عرفتها : خلاص اني امالا نطلع ربي يهنيكم
طلعت هند وشهد اشرت علي وجهها وقالت لامها : سمح؟
نعيمه من دون تركيز : أي أي سمح اني منعدي فوق تو نجي امشي انتي كملي
شهد حست ان أمها فيها شيء بس قطع تفكيرها تهاني وهيا تنادي عليها فركبت
اذان المغرب كان كل شيء جاهز وشهد جاهزه حتهيا ومقعمزه في دارها خداها السهو شويه حلمت كانه بوها بعيد وبينهم جابر واقف ناضت علي فتحة الباب وكانت امنينه وقعدت تزغرت
شهد صبت ومنينه تعنقتها : بسم الله ما شاء الله تبارك الرحمن ( وردت تزغرت) عيني عليك بارده يبنتي❤
