الحقيقه المزيفه

39

لايك وتعليق🤍

الحلقه 39

اذن الفجر وهلت النسمه البارده كانت غاليه تصلي وتدعي دموعها تنزل ربي يختبر فيها في بنتها بالنسبه ليها هي ما نقصت عليها شيء عشان تدير هذا كله واكيد كله

غاليه:اختبار من ربي

كوثر بعد صلت جت قعمزت أحدا غاليه عالوطا وساندات روسهن عالحيط

كوثر:بس بنتك واضح ان فيها حاله نفسيه ننصحك تعالجيها

غاليه:بيني وبينك يكوثر البنت صار معاها الحادث لانها كانت هاربه مالحوش وماشيه لي صاحبتها

كوثر انصدمت:وانتي ليش كنتي حابستيها!!!!

غاليه بغصه ودموعها تنزل:سمعت لصحبات السوء وجت بدير سحر لخوها(كوثر حطت يديها علي فمها بصدمه) بس الي تواصلت معاها عن طريق النت طلعت مش سحاره وتكذب عليها

كوثر:لالالا يغاليه بنتك حالها مينسكتش عليه ابدا لازمها دكتور نفسي لازم

غاليه شيعت راسها وشافت قدام وانصدمت كان احمد مصبي علي باب المطبخ بعد خش من الباب الي فيه ويشوف لي امه بصدمه وكوثر ركزت وين تشوف وغمضت عيونها وتراجي في ردة فعله🔥

احمد خش لي داره وصرفق الباب بقوه رعش معاه قلب غاليه الي فزت:يااااربي تو يعدي اشبح شيدير فيها اني نعرفه ميصبرش ياربي منين منلقاها ولا منين ياااربي

قعدت غاليه تبكي وكوثر تهدي فيها

D0aa_Abd0* ---------------------------------------------------

بانت خيوط الشمس وقعدت تزيد درجات الحراره خش فصل الصيف بقوه🌅

شهد وهي تقوي فالمكيف:لنقنه الا محميط يربي حتى الاكسجين نقص😫

جابر خدي منها الريموت وطفاه:مش كويس لنور وليك افتحي الشبابيك

شهد:جابر مش من جدك عاد شويه وبنطلع لخالتي وبيجن خواتي وهنلبس مستور ومسكر بننغم☹

جابر:شهد هيا كلمه مش كويس ليكم

شهد تمشي بشوي وجاته تواسيله في جاكته:علي وين