الحقيقه المزيفه

6

الحلقة 6

نوري مصدوم وجابر صبا

جابر : حرت يا بويا خايف يطلعن ضنوني في محلهن

نوري : هوا من ناحية ان ماضيه اسود فماضيه اسود وقرشه ( برق في جابر وعض علي فمه ) مهوش حلال

جابر : قولي شندير بنته عارفه ان بوها مش تمام بس مهما يكون خايف عليها

نوري : خودها عندك احميها يولدي مفيش غير هالحل

جابر : خايف من خالتي لو صار وانحبس علي يدي شنصير فيها!!

نوري : قسمت قدام ربي والناس تحمي وتخاف وتأدي امانتك توكل علي ربي ودير الصح

جابر صبه وباس راس بوه وعيونه كلهن حيره

D0aa_Abd0* ---------------------------------------------------

اما منصور فكان واقف وعيونه مدمعات ويبرق فالراجل

الراجل : نعم شنتبي يا خويا ليك ساعه واقف؟

منصور : معرفتنيش يا مؤمن

مؤمن قعد مركز فيه وعيونه شكن بس كذبهن : لا معرفتكش منو انت؟

منصور : اني منصور ( مؤمن انصدم ) الشيب غطا الراس والكبر واكل من وجهي ومن وجهك

مؤمن مصدوم : منصور !!!! لالا مستحيل بعد 26 سنه😳

منصور : السنين فاتن بويا وامي وين ؟

مؤمن : عايشين بوك خرف وجاه القلب والسكر وكل يوم ينازع فالروح اما امك فمزالت ماسكه صحتها

منصور : نبي نشوفهم💔

مؤمن : في طرابلس مهمش هنا مشو عاشو مع منيه لما ازوجت

منصور : نبي عنوانهم

مؤمن طلع نقاله وكتب رقمه لخوه وخدوه ارقام بعضهم

منصور : ازوجت غاليه؟

مؤمن : أي ازوجتها من قال بنت عمي اللي كانت مكتوبه ليك ناخدها

منصور : الدنيا نصيبات وانتم كنتوا تبو بعضكم  

منصور فتح ايديه : 26 سنه مرايفتش يا مؤمن