اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه 43
وقفت السياره قدام حوش مؤمن شاف لي امه لقاها تشوف للحوش بنظرات فارغه مش مفهومه شاف لي شهد مالمرايا كانت تشوفله بي خوف تنهد وأخيرا حد فيهم نطق
منينه:هي منقعدو هنا الليل كله هيا نويره بنيتي انزلي معايا
فتحت الباب ونزلت شدت يد حفيدتها وخشت بيها ونعيمه وراها وشهد شافت لي جابر وابتسمت بتطمين❤
شهد:كل شيء هيكون كويس انت اهدى بس
هز راسه بتوتر:هي خشي مالشارع
خشت شهد وهي تشوفله وهو شاف لي خيمة الرجاله وخدي نفس وزفر ومشي خطوه من جابر وخطوه من منينه تنهيده من قلبها وتنهيده من قلبه هي تمسح علي طرف محرمتها وهو يرتب في جاكته لين ما وقفو ومدو أيديهم
يد منينه نمسكت من كوثر اما يد جابر فنخوت وجي بدال السلام حضن الاب لولده الشوق كان واخد حصته وجابر بين عيونه مواقفه مع منصور من اول ما عرفه بين الافندي والاخ الأكبر والأب كان القلب يترجح🤷♀️
منصور:كيف حالك يا ولدي ان شاء الله تكون بخير؟؟
جابر وعي علي نفسه وهز راسه وهو يقول:الحمدلله كيف حالك انت؟
منصور بي فرحه:اني توا في خيار خيري❤
لفت لي بوه واشر علي جابر:هذا حفيدك الكبير يبويا
جابر شاف لي سالم وشاف لي عيونه شاف فيه لي لحظه نوري قلبه عصره ودموعه نغلبن لي عيونه بينزلن بس منعهن وسلم علي سالم وباس علي راسه
سالم:ما شاء الله ما شاء الله ربي يحفظك يولدي❤
جابر ابتسم مجامله ولفت القي منصور ماسك يد عماد شافله وشاف فيه نفسه كان يشبهله فالشكل قدم منه وعماد مد يده مبتسم
عماد:خوك عماد
جابر:اهلين بعماد
عماد حط يده الأخرى علي يد جابر:خوك جديات متوخرش لما تبي خدمه❤
وهالكلمه حسست جابر بفرحه كان فاقدها طول عمره ساند نفسه بنفسه وتو مرات يلقى علي من يتكى ابتسمله وقال:بارك الله فيك❤
