الحقيقه المزيفه

42

كيف حالكم🤍
نتاسف والله مريضه وكتبت الحلقه واني مش مركزه ان شاء الله تعجبكم🤍

 

الحلقه 42

نرجعو بالوقت شويه يعني تقريبا 3 شهور

سالمين كانت واقفه وتراجي في عريسها شويه وخش عليها ورفع الطرحه

صابر:قمر ما شاء الله❤

سالمين ابتسمت بثقه:حتى انت طالع ما شاء الله عليك❤

ابتسملها بحب وهو يشوف لعيونها وهي تشوف بي عيون متمنيه فيه العوض❤

نردو لوقتنا الحالي كانت تشوف للباب وتبكي ناضت من مكانها وقعدت تخبط عالباب

سالمين:صابر صابر تسمع فيا افتح بالله عليك انت فاهمني غلط صدقني كل الي  بعتوهلك كذب صابر افتح💔

قعدت تخبط عالباب وتبكي شويه وانفتح الباب بهدوء طلت وراه القاته يمشي فالممر طلعت وراه تجري وشداته من يده وهو فكها

سالمين وهي تبكي:صابر بالله عليك اسمعني والله كلا قديم طيش مراهقه وعدا💔

صابر بكل قوته برملها وشدها من يدها وتأوهت بألم:لما كنت خاطبك الكلام هذا يمدام يمحترمه

سالمين وهي تبكي:والله كذاب والله من اول ما صارت الخطبه غيرت كل ارقامي😭

صابر دفها:انقرفت منك ومن كذبك معاش عندي فيك ثقه هوا أسبوع ونطلقك يروح بوك من العمره بس

سالمين شدت يده ونزلت بجسمها:بالله عليك لا بالله عليك اهدى وافهمني صابر في عيل بيجي كيف تتخلى عليه💔

صابر دفها ونزل لمستواها:اني مش زيك بيش نتخلى عليه ولدي اول ما يجي عالدنيا منربيه عندي

سالمين بقوه:لاااا ولدي يقعد معاي

صابر:بيش تربيه زي ما تعلمتي مفيش ولد مفوتهاش معاك يمحترمه ياللي كنتي بداية ما تزوجتك تتحشمي من خيالك وبعدين نكتشف انك متاع فروخ

سالمين تشوفله بقهر متقدرش تنكر الي يقول فيه بس هي تغيرت رغم كلامه لقت روحها حاضناته ومشبته فيه💔