اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لايك وتعليق🤍
الحلقه 29
فاتو أسبوعين قادرات يهدو نفوسهم ويستقبلن الامر الواقع عند جابر ومنينه وشهد اما كوثر فكانت تجيهم تقريبا كل يوم علي امل تشوف جابر اما غفران فللاسف تطور تهدريزها مع احمد وقالت لجيهان انها بطلت تبعتله كله عشان متسمعش منها كلام متبيشي🤷♀️🤦🏻♀️
D0aa_Abd0* ---------------------------------------------------
خاش للمقر والكل يسلمو عليه سلام حار وبترحيب وفي الي حضنه هذا جابر بعد رجع وكان يمشي بي قيلات خش لي مكتب منصور
منصور:جابر!!!
جابر:السلام عليكم يا افندي
منصور:وعليكم السلام خيرك جاي انت مزلت تاعب
جابر قعمز:جيت نبي نفهم(منصور شافله بتسائل)الطير كيف شديتوه؟
منصور:شدوه علي حدود تونس وجبوهلنا هنا حققنا معاه ومعترفش بأي شيء وبعد أيام لقيناه شانق روحه
جابر:الطير مات صح(جابر شافله) لاكن خلا وراه ناس
منصور:الي سمعته ان جماعته هربو قبله
جابر:الي زي الطير فبلادنا واجدين يموت واحد يجي بداله عشره البلاد خربت يا افندي
منصور:ليبيا تو تعمر وتصبي صيورها تقيم روحها
جابر شد علي قيلته وصبه:اني الخدمه هذي معاش تلزمني يا افندي هذي وصية بوي قبل يموت ان نسيب الخدمه ونوقف في محلاته
منصور:لعله خير ليك يولدي توكل علي ربي
جابر:ونعم بالله هي سلام
طلع جابر وهو يشوف للمقر بحسره ركب لتاكسي وهو يفكر فكلام امه
قبل يومين
منينه:بوك وصاني قبل يموت ان لو نضت بالسلامه تسيب خدمتك
جابر:كيف يامي خدمتي مستحيل نسيبها🤚
منينه:وصيته يولدي ولازم تتنفذ خليه يتريح في قبر ه
في وقتنا الحالي كان جابر مقعمز في مقهى بروحه مشمصدق ان مسيرته تمت بهالسرعه كان يحلم بترقيات احسن واحسن تنهد وهو يشوف للسيارات تمشي وتجي
أنت تقرأ
الحقيقه المزيفه
Mystery / Thrillerلما يكون كل شيء مزيف بس داخله حقيقي،المشاعر الحب الامان حقيقي بس اسمائنا وصفاتنا مزيفه🤷♀️
