كيف بدأت ولأين وصلت.......
مرحبا. اسمي ساره من البصره وعمري 19 سنه طالبه سادس علمي (احيائي) .....
اعرفكم ع افراد عائلتي نفر نفر
اهلي عايشين حمدالله والشكر ♡.
الاب. اسمي علي من البصره عمري 44 سنه مهندس كهرباء.
الام. اسمي حنان من البصره وعمري 40سنه ربه منزل
سجى. الاخت الكبيره وعمري 22 سنه جامعه مرحله ثالثه علوم انسانيه متزوجه وحبيبي حيعرفكم ع نفسه هسه .
سعد. نسيب العائله الكريمه ومدرس ماده الأحياء ومرتي مدرسه جغرافيا مشاءالله كلنه بالتربيه
حسين. الاخو الأكبر بالولد وعمري 25 سنه طاقه كيمياء متزوج بنت عمتي حوراء .
حوراء. اني مرت حسين وعمري 20 سنه اني حاليا سادس علمي خارجي دادرس صح عمري جبير بس حضي أجلت سنتين علمود حسين
حسن. الابن الوسطاني بالعائله وعمري 21 سنه لامتزوج ولا خاطب ولا مرتبط معزل ابشركم اني جامعه مرحله اولئ. قانون
مهم..... نرجع بالأحداث شويه من جان عمري 15 سنه .
هيفاء. يلا ساره تأخرنه شوكت اطلعين اففف
ساره. شبيج عرفنه شاطره وكذا نطيني مجال ارتب نفسي اروح مبهذله
هيفاء. هيه ع الشطاره اعرف اني شاطره بس دائما نتأخر بسببج ديلا فضينه.
ساره. لاتشوفين نفسج عاد شاطره ام الوصخ.. بعدين واذا تأخرنا قابل شحيصير
هيفاء. يفصلونه من الدوام هذا يصير
ساره. يلا يلا امشي كبالي عابت
هيفاء. اكولج سؤال؟
ساره. جواب؟
هيفاء. تعرفين اريد اكولج شي بس استحي ..
ساره. ايباه هاي منو تستحي؟ ماعرفتج. احجي بابه
هيفاء. خليهه من تصير صدك اسولفلج
ساره. هيه شنيه الصدك
هيفاء. ساره ساره لج شوفي الضيم......
ساره. شكو شبيج (واني دارتب بشعري ومدنكه للكاع)
هيفاء. فاتج بالعباس
ساره. تسودنتي شنو فاتني
هيفاء. ولد يخبل عبر ديباوعلج وصاعد سياره اخر موديل مدري شيسموها
ساره. ي ومثلا هذا اول واحد يباوعلي شنو
هيفاء. اهو كامت تتفيك بعد هاي وصلنه دخلي ست ساره
.. اني اباذر من البصره اكيد وعمري 22 سنه مرحله ثالثه كليه قانون ..
الاب. اسمي رياض وعمري 50 سنه قاضي لكن متقاعد
الام. خلود عمري 46 سنه مديره دائره الكهرباء في البصره عامه
اسعد. الأخ الكبير وعمري 35 سنه متزوج وعندي 3 أطفال موضف بالنفط
