تبـعدني شعجب مو جنت عكازات
حته بنــومتك يـــم راسك تمدهــن
**********************************
مرتضئ. اباوع لاباذر وجهه صار اصفر
اباذر. دتحجي وياي وتصيح عليه ساره واني بغير عالم وكل السويته رجع عليه بمشهد واحد وچان...............
مرتضئ. اباذر وگع ومن خوفي عليه صرخت صوت من كل گلبي ( اباذررررررررر)
ساره. وگع اباذر واني حسيت گلبي وگع ويا جان اركض عليه وهوا جسمه بارددد وجهه اصفر وشفايفه بيض (المظهر الي شفت بي اباذر يعني توقعته اجته جلطه لو مات...)
مرتضئ شال اباذر ودخلنه للبيت واني عندي خبره بهشغلات لان لمن يوگع ابوي اني اعالجه اضافه انيهم دائما اوگع ......
مرتضئ. شسوي اخويه حيموت من وراج ساره ( بصياح.) رايح اجيب لدكتور وايشي يصير بأخويه نتي سبب .... فهمتي
هيفاء. خوف مرتضئ ع اخوه خلاه يحجي بلا وعي وعصبيه ..... مرتضئ اهدأ اباذر مابي شي لتحجي هيج
ساره. مرتضئ ع ماتجيب دكتور مانعرف شلون حاله اباذر اني حأعالجه بس اريد منك فد شغله تجيبهم اليه تكدر؟
مرتضئ. انتي حتعالجي وين تعرفين؟
ساره. لتناقش روح يلا بسرعه.... ( 2 مغذي + ابرتين + كمادات + كانونات اريد وياهم)
وبعد ماراح يجيبهم خليت راس اباذر بحضني ...
ساره. اباذر محيصيرلك شي اني يمك اوعدك محيصير شي)
هيفاء. رحت جبت كمادات من يمنه حته شويه يصير حار البروده الوصل الها متصورون كأنما تجمد....
لأول مره اشوف ساره هيج حالتها وابد منزلت دمعتها تحجي بكل قوه
مرتضئ. سقت السياره بكل سرعه وچان همي اوصل بسرعه لاخويه ... جبتهم بسرعه ورحت للبيت
مرتضئ. وصلت... ساره هاج هاجججج
ساره. وصل مرتضئ واخذتهم منه وعلگت المغذي بعد ما سويت الكانونه وضربت أبره بالعضله وابره بالمغذي وخليت الكمادات الحاره ع كصته اريد درجه حراره جسمه ترجع طبيعيه حته لا يوگف گلبه .
( وبعد نص ساعه رجع طبيعي وجسمه دفه وحمدالله ....)
هيفاء. ساره تعالي عندي كلام وياج بسرعهه مرتضئ نته هم تعال
ساره. چنت اعرف شنو حتحچي
هيفاء. شداسوين ساره ؟ وليش؟
ساره. شنو شبيج هيفاء؟
هيفاء. نتي تعرفين شبيه لتغشمين نفسچ تمامم
باعي اني صديقتچ وياچ مو ضدچ خلي بالچ انتي
شنو جابرچ هيچي سوين ويا؟
ساره. هيفاء شب.....
هيفاء. اسكتي خلي اكمل ... انتي متردين ترتبطين بي علمودي وكك اني راضيه عليه وسامحته شنو اليمنعچ بعد؟
