حبك لأحد لا يعني شيئاً. أن تكون محبوباً من أحد شيء. ولكن أن تحب وتحب هو كل شيء
*******************************
عشت وي حسين اسعد ايامي عوضني عن الدنيا كلها
خلصت الجامعه وبدت ايام الامتحانات كلش خايفه
بس بقينه اني وحسين ندرس سوا يدرسني وادرسه رغم نختلف بالكليات بس بقينه نبحث لبعض ونقري بعض.
استبرق عاشت حياتها وكملت بالخارج يم اشخاص هيه تعرفهم ودتدرس نفس تخصصها بس جامعات ارقئ واحلا اكيد ورغم كلشي بقت محافظه ع عبايتها دائما دزلي صور تخبل بيهن وهااا ما انسه تعرفت ع شاب عراقي هناك وخطبها تحمد بيه وبأخلاقه ويمكن هوا نعجب بيها لان شافها محتشمه الله يسعدهم كلش فرحتلها...
ولميس بعدهي تدور ع حب حياتها شكد حاولت وي براء بس مانطاها وجه وعرفت ذوقه شنو ميحب البنيه الخفيفه التنطي وجه او يمكن اكو وحده بحياته ابد ماسألت حسين عنه.....
الحمدالله امتحنت وطلعت ناجحه وحسين هم وبراء ولميس رغم كلشي جان صعب بس الحمدالله....
وبهل مناسبه الحلوه قررنه نجتمع مره ثانيه ع طاوله اني واهلي... الكل ساكت بس باركولي وببرود العبره خنكتني صح احنه اغنياء وحالتنه كلش زينه وصح نشتري ونطب ونطلع بكيفنه بس ابد ابد ماحسسوني اهلي بالحنان ولا بالحب كلش مبتعدين عنه خلصنه اكل وكمت لغرفتي لكيت حسين متصل عليه.. رجعت اتصلت عليه ورد بسرعه....
حسين. حبيبي وينج اشتاقيتلج
نور. جنت اتعشه
حسين. بالعافيه يروحي.. شلونج
نور. زينه
حسين. عساج حبيبي.. شسمه باجر اريد اشوفج ممكن؟
نور. ليش؟
حسين. مفاجاه
نور. ماريد
حسين. هاي شبيج نور شالقصه؟؟؟
نور. ضايجه. حجيتها بخنكه
حسين. شبيج يروحي منو وياج منو مضوجج!!
نور. اهلي حسين اهلي... بجيت من حركه كلبي شهل اهل هذول لايهتمون لايسألون لو نموت ميحجون
حسين. شبيهم وياج... امسحي دموعج عليج الله ماحب عيونج الحلوه تبجي
نور. انسه.. انته شلونك شخبارك
حسين. شنو الانساه؟؟ دحجي بويه احجي
نور. حسين حباب انسه باجر من اشوفك عود نحجي
حسين. استغفر الله تمام
نور. وين نلتقي؟
حسين. بمطعم مارينا چكن
نور. لا ماحبه خل نروح لغيره
حسين. طيب يامطعم تردين
نور. مطعم سبايسي
