حياناً يكون إكرام الحب دفنة...
................................................
علي. خاله هذا اباذر كلش تعبان خطيه
ام اباذر. يمه اسم الله شبي راحلكم كلشي مابي
علي. خاله ماعرف شبي والله وين غرفته خل اودي الها؟!
ام اباذر. عزا العزاني جاي اسئل بيك وابني بيدك
تعال خاله تعال فدوه اروحلك غرفته فوك
علي. تمام خاله...(صعدنه اباذر لغرفته)
خاله لحد يشوفه عمي اخوانه كليلهم اجه من وقت
ونام
ام اباذر. ليش خاله شبي هوا بس كلي شكو
علي. خاله الحجي بينه ولتكولين لاباذر اني كتلج!!
ام اباذر. احجي خاله مو وكعت كلبي
علي. خاله ابنج ( يشرب عرگ) كل خميس
ام اباذر. شنووووووو!! لاتشاقه هيج خاله فدوه اروحلك
علي. خاله هيه مال شقه والقرأن يشرب وكل يوم امنعه واكله لا بس هوا مدمن عليه كلش
ام اباذر. عزاااا بعيني عزاااا بعيني يمه اباذر هيج طلع يمه اذا عرف رياض يذبحه والله
علي. خاله تفاهموا بينكم واني رايح ولاتخلين عمي يعرف لاتصير سالفه چبيره
ام اباذر.(وبالها مو يم علي) يمه اباذر ليش هيج
هاي تاليتها هاي جزاتها هاي تاليت الدلال ولطبات
والطلعات
علي.( خاب فوك محاجيج!!) يلا خاله استودعناكم
احاا اول خطوات كشف حقيقتك الزباله كبال امك
وبعد مراح علي.....
ام اباذر.(كعدت يم راس اباذر) ليش هيج يمه تالي
عمرنه تريد تشوه سمعتنه كبال الناس؟!
لاماراح احجي لاحد ماراح اخليك تروح للغلط بعد
...........................................................
في غرفه ساره.........
ساره. صارت ساعه 1 فجر ... ولحد هسه ماكو اباذر!!
معقوله صاير ويا شي!!!!!
اهووو هسه شبيج ياعيني شكو تفكرين بي
خل انام باجر وراي دوام
...........................................................
في اليوم التالي........
رن المنبه...
ساره. عزززااا عبالي مسجات خرببب
هاي شنو ولا رساله منه!!
طيب ماكو مشكله (بس منو يجي عليه اليوم؟)
استغفرالله شهل ضيجه خلك من صبح؟؟؟؟؟!!!!!!
(سبحت ولميت شعري كعكه ونزلت)
لكيت ماما وحوراء كاعدات بالمطبخ وحسين يلعب بجهازه.
ساره. صباح الخير عصافير كلبي
الكل. صباح النور حبيبتي
ساره. شسون بالمطبخ بنياتي
